حابارلامادا نەگىزگى مىندەتتەردىڭ ءبىرى كورەي ۇلتىنىڭ بىرىگۋى ەكەنى, قحدر مەن وڭتۇستىك كورەيانىڭ بىرىگۋ ماسەلەسىنىڭ قاراستىرىلۋ كەرەكتىگىن ايتىلعان. سونىمەن قاتار بۇل جاعدايعا ءۇشىنشى تاراپتىڭ جول بەرىلمەيتىنى كورسەتىلگەن. سولتۇستىك كورەيا بيلىگى سونىمەن قاتار زىمىران مەن يادرولىق باعدارلامالارعا بايلانىستى سىندى ازايتۋدى سۇراعان جانە بۇل ساياسات سولتۇستىك پەن وڭتۇستىكتىڭ بىرىگۋىنە كەدەرگى ەمەستىگىن ايتقان.
پحەنيان يادرولىق سوعىسقا ارانداتىپ وتىرعان اقش-قا كورەي ۇلتى بىرىگىپ قارسى تۇرۋ كەرەكتىگىن ايتتى. قحدر سولتۇستىك پەن وڭتۇستىكتىڭ گۋمانيتارلىق جانە ساياسي ماسەلەلەر بويىنشا قارىم-قاتىناسىن دامىتۋعا شاقىردى. حابارلامادا ساياسي پارتيالار اراسىنداعى بايلانىستى نىعايتۋ كەرەكتىگى دە ايتىلعان.
سولتۇستىك كورەيا 2018 جىل ەكى تاراپتىڭ قارىم-قاتىناسىنداعى "ۇلكەن وزگەرستەر" جىلى بولاتىنىنا سەنىم ءبىلدىردى. جىل باسىندا قحدر مەن وڭتۇستىك كورەيا شەنەۋنىكتەرى كەلىسسوز جۇرگىزدى.
قحدر بيلىگىنىڭ حابارلاماسى ۇكىمەت پەن ساياسي پارتيالاردىڭ بىرلەسكەن وتىرىسىنان كەيىن مەملەكەتتىك باق-تا دا جاريالاندى.
ەستەرىڭىزگە سالا كەتسەك, 2018 جىلعى قىسقى وليمپيادانىڭ سالتاناتتى اشىلۋىندا كحدر مەن وڭتۇستىك كورەيا سپورتشىلارى ء«بىرتۇتاس كورەيا» تۋىنىڭ استىندا شىعادى. تۋدى قوس مەملەكەتتىڭ ءبىر-ءبىر سپورتشىسى ۇستاپ شىعادى. ال ءانۇراننىڭ ورنىنا «اريران» ءانى شىرقالادى. بۇل ۇسىنىستى حوك قابىل الدى. ەكى ەلدىڭ سپورتشىلارى ءبىر تۋدىڭ استىندا سوڭعى رەت ون ەكى جىل بۇرىن, ياعني 2006 جىلى تۋريندە وتكەن قىسقى وليمپيادادا شىعىپتى.
