وسىعان وراي, بۇگىن ماڭعىستاۋ وبلىسىندا مەملەكەتتىك كىرىستەر دەپارتامەنتىنىڭ 2017 جىلعى قىزمەتىنىڭ قورىتىندىسى مەن 2018 جىلعا سالىق سالۋ بازاسىن كەڭەيتۋ بويىنشا مىندەتتەرى تۋرالى, قر سالىق جانە كەدەن كودەكستەرىنىڭ نەگىزگى وزگەرىستەرىن ءتۇسىندىرۋ بويىنشا سەمينار جينالىس ءوتتى.
2018 جىلدىڭ 1 قاڭتارىنداعى جاعداي بويىنشا وبلىستا بارلىعى 632 914 سالىق تولەۋشى تىركەلدى. 2017 جىلى ىشكى ساۋدا اينالىمى, يمپورتتىق-ەكسپورتتىق وپەراتسيالاردى قوسا العاندا, 4 711 ملن. اقش دولل. قۇرادى.
-2017 جىلدىڭ قورىتىندىسى بويىنشا قر قم مكك قۇزىرىنداعى شوعىرلاندىرىلعان بيۋدجەتتىڭ جەتكىزىلگەن جىلدىق جوسپارى 147,0%-عا ورىندالىپ, بەكىتىلگەن جوسپار 486,6 ملرد.تەڭگە بولسا, ناقتى 715,3 ملرد.تەڭگە ءتۇستى. جەرگىلىكتى بيۋدجەت – 97,3 % (جوسپار 127,9 ملرد.تەڭگە بولسا, ناقتى 124,4 ملرد.تەڭگە ءتۇستى) ورىندالدى. ماڭعىستاۋ وبلىسى بويىنشا جالپى بورىشكەرلەر ىشىندە ەڭ ءىرى جانە قيىندىق تۋدىرىپ وتىرعان 2 بورىشكەر بار, ولاردىڭ نەگىزگى بەرەشەك سوماسى 9,7 ملرد. تەڭگە كولەمىندە بولىپ, وبلىس بويىنشا جالپى بەرەسى سوماسىنىڭ 67,8% قۇرايدى.
- «كازپولمۋناي» جشس نەگىزگى بەرەسى 6,1 ملرد. تەڭگە;
- «تولكىننەفتەگاز» جشس نەگىزگى بەرەسى 3,6 ملرد. تەڭگە.
بۇگىنگى تاڭدا اتالعان بورىشكەرلەرگە قاتىستى سالىق كودەكسىندە كوزدەلگەن بارلىق ماجبۇرلەپ ءوندىرۋ شارالارى تولىقتاي قولدانىلعان. سونىمەن قاتار, بۇل بورىشكەرلەر ماسەلەسى قازىرگى كەزدە 2010 جىلدان بەرى اربيتراجدىق سوتتا (ستوكگولم,شۆەتسيا) جانە دە انگليا جوعارى سوتىندا (لوندون) قارالۋدا» دەدى ءوز بايانداماسىندا ماڭعىستاۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى الىبەك تىلەگەنوۆ.
- اۋداندار مەن قالالار اكىمدەرى سالىق تولەۋشىلەردىڭ جاۋاپكەرشىلىگىن ارتتىرۋ ءۇشىن وبلىستىڭ سالىق سالۋ بازاسىن كەڭەيتۋگە, جەرگىلىكتى بيۋدجەتتەردىڭ كىرىس بولىگىن ۇلعايتۋعا بارلىق قاجەتتى شارالاردى قولدانا وتىرىپ, كۇش سالۋ كەرەك. مەملەكەتتىك ساتىپ الۋ باسقارماسىنا تەندەر وتكىزۋ كەزىندە الەۋەتتى مەردىگەرلەرگە تەحنيكالىق تالاپتارعا جانە سالىق اۋىرتپالىعى مەن جۇمىس ورىندارىن قۇرۋ شارتتارىنا سايكەس قويىلاتىن تالاپتاردى ەنگىزۋ تۋرالى ماسەلەنى قاراستىرۋدى تاپسىرامىن. مەملەكەت باسشىسى شاعىن جانە ورتا بيزنەستى دامىتۋدىڭ ماڭىزدىلىعىن ۇنەمى اتاپ وتەدى. سوڭعى جىلدارى مەملەكەت تاراپىنان كورسەتىلەتىن قولداۋ شارالارىن كەڭەيتۋدىڭ ارقاسىندا كاسىپكەرلىك بەلسەندىلىك جەتكىلىكتى دەڭگەيدە ءوستى, دەگەن ماڭعىستاۋ وبلىسىنىڭ اكىمى ە.توعجانوۆ بيۋدجەت تۇسىمدەرىنىڭ بۇگىنگى جاعدايى, وسى باعىتتا العا قويىلعان شارالار, 1 قاڭتاردان باستاپ كۇشىنە ەنگەن سالىق كودەكسىنىڭ جاڭاشىلدىقتارى تۋرالى ايتىپ, سالىقتىق بازانى كۇشەيتۋ ماسەلەلەرى بويىنشا ناقتى تاپسىرمالار بەردى.
2017 جىلى شاعىن جانە ورتا بيزنەستىڭ سۋبەكتىلەرىنە 1,4 ملرد. تەڭگە كولەمىندە پايىزدىق مولشەرلەمەنى سۋبسيديالاۋعا قارجى ءبولىندى. 2017 جىلى «بيزنەستىڭ جول كارتاسى-2020» باعدارلاماسى اياسىندا 200-دەن استام كاسىپكەر وسى قاراجاتقا يە بولدى. بۇل 4 036 جۇمىس ورنىن ساقتاۋعا جانە قوسىمشا 1,5 مىڭ جاڭا جۇمىس ورنىن اشۋعا مۇمكىندىك بەردى.
جيىن سوڭىندا 2017 جىلدىڭ قورىتىندىسى بويىنشا «ۇزدىك سالىق تولەۋشى» مەن «ۇزدىك سىرتقى ەكونوميكالىق قىزمەتكە قاتىسۋشى» ۇزدىكتەر ماراپاتتالدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
