فوتو: كونستانتين سكوريكوۆ
ال «Skoda Rapid» كولىكتەرىنىڭ كىلتتەرى دانەكەرشى-جوندەۋشىلەر ەركىن تەمىرتەكوۆ, نازىمبەك قازەنوۆ, اعا شەبەرلەر ەرىك ءالي, پاۆەل ستولەر, ەلەكترمونتەر قايىربەك وسپانوۆ, كران ءماشينيسى ەكاتەرينا الفەروۆا, بالقىتۋشى گريگوري پومورگايلو, تەپلوۆوز ءماشينيسى يۆان پوتاپوۆ, تسەح باسشىسى ۆلاديمير چەرنوۆ, ەلەكترودشى جانات كەنجەعاليەۆتەرگە تابىس ەتىلدى. ەۋرازيالىق توپ, «قازحروم» كومپانياسى جانە كاسىپورىن باسشىلىعى 30 دان اسا مەتاللۋرگتەردى ماراپاتتادى. ولارعا «ERG ەڭبەك ايبىنى» بەلگىلەرى, «ەڭبەك دانقى» مەدالدەرى, «قازحروم» تۇك» اق ەڭبەك سىڭىرگەن جانە قۇرمەتتى قىزمەتكەرى» اتاعى, ال №6 بالقىتۋ تسەحىنىڭ باسشىسى ميحايل نيكيتەنكوعا «قۇرمەتتى مەتاللۋرگ» اتاعى بەرىلدى.
ءبىز باق وكىلدەرى دە 50-جىلدىق مەرەيتويى قۇرمەتىنە قاتىستىق. جالپى سانى 900-دەن اسا مەتاللۋرگ ماراپاتتالدى. ەلۋ جىلدا ەل جاڭا. بۇل كۇندەرى ءوندىرىس ورنىندا 7 مىڭداي ادام ەڭبەك ەتىپ ءجۇر. جىلىنا 1,2 ميلليون توننا فەرروقورىتپا وندىرەدى. بۇگىندە زاۋىتتان 28 پەشتەن تۇراتىن ءتورت بالقىتۋ تسەحى, اگلومەراتسيالىق تسەحى, باسقا دا وندىرىستىك بولىمشەلەر بار.
جەرگىلىكتى فەرروقورىتپا جاپونيا, كورەيا, قىتاي, اقش جانە ەۋروپا ەلدەرىنە ەكسپورتتالادى. زاۋىت ديرەكتورى س.پروكوپەۆتىڭ ايتۋىنشا, قازىر №6, №4 تسەحتاردا جاڭعىرتۋ جۇمىستارى باستالماق. جالپى, كاسىپورىن جىل سايىن الىپ پەشتەرىن جاڭالاپ, جاڭعىرتىپ تۇرادى. پەشتەردە جوعارى كومىرتەكتى فەرروحروم بالقىتىلادى. جاڭا زاماناۋي جۇيە-تەتىك قوندىرعىلارمەن جابدىقتالۋدا. تسەحتار اۆتوماتتاندىرۋ جۇيەسىنە اۋىستىرىلدى. زاۋىت ماماندارىنىڭ ايتۋىنشا ءبىر پەش جىلدىق ونىمدىلىگى – شامامەن 50 مىڭ توننا جوعارى كومىرتەكتى فەرروحروم وندىرەدى. توپتىڭ قۋاتتى ينۆەستيتسيالىق باعدارلاماسى بارلىق فيليالدارعا جوسپارلى جوندەۋلەردى ۋاقىتىندا جاساۋعا, جابدىققا كەزەڭمەن جاڭارتۋ جۇرگىزۋگە, ەكولوگيالىق باعدارلامانى جۇزەگە اسىرۋعا, زاۋىتتىقتاردىڭ ەڭبەك جاعدايلارىن جاقسارتۋعا, ەڭبەك ونىمدىلىگىن جانە جوعارى ساپالى ءونىم كولەمىن ارتتىرۋعا مۇمكىندىك بەرۋدە. زاۋىتتا ءوندىرىستى مودەرنيزاتسيالاۋ, قايتادان جاراقتاندىرۋ جۇمىستارى كەزەڭ-كەزەڭمەن جۇرگىزىلۋدە. ءوندىرىستىڭ وزىق تەحنولوگيالارىن قولدانۋ جانە جاڭعىرتۋ ارقىلى جوعارى كومىرتەكتى فەرروحروم ءوندىرىسىن ارتتىرۋ بولىپ ەسەپتەلەدى.
فاريدا بىقاي,
«ەگەمەن قازاقستان»
پاۆلودار وبلىسى,
اقسۋ قالاسى
