سينوپتيكتەردىڭ حابارلاۋىنشا, انتيتسيكلوننىڭ اسەرىنەن قازاقستاننىڭ باسىم بولىگىندە جاۋىن-شاشىنسىز بولادى, تەك باتىستا جانە سولتۇستىك-باتىستىڭ كەي جەرلەرىندە ازداعان قار جاۋادى.
"رەسپۋبليكانىڭ كەي جەرلەرىندە جەلدىڭ كۇشەيۋى, تۇمان, باتىسىندا كوكتايعاق, سولتۇستىك-باتىستىڭ كەي جەرلەرىندە بۇرقاسىن كۇتىلەدى. قىزىلوردا, جامبىل, باتىس قازاقستان وبلىستارىنىڭ كەي جەرلەرىندە تۇمان ءتۇسىپ, جەلدىڭ جىلدامدىعى سەكۋندىنا 15-20 مەترگە دەيىن جەتەدى", - دەپ حابارلادى سينوپتيكتەر.
سونىمەن قاتار, اقمولا, قوستاناي, سولتۇستىك قازاقستان, قاراعاندى, وڭتۇستىك قازاقستان وبلىستارىنىڭ كەي جەرلەرىندە تۇمان ءتۇسىپ, كۇندىز جەل كۇشەيەدى. اقتوبە وبلىسىنىڭ كەي جەرلەرىندە تۇمان, جەلدىڭ جىلدامدىعى سەكۋندىنا 18 مەترگە دەيىن ۇلعايادى, ال تۇندە بۇرقاسىن بولادى.
"اتىراۋ وبلىسىنىڭ كەي جەرلەرىندە تۇمان ءتۇسىپ, كوكتايعاق بولادى. الماتى وبلىسى جالاڭاشكول اۋدانىندا جەل كۇشەيىپ, جىلدامدىعى سەكۋندىنا 15-20 مەترگە جەتەدى. ماڭعىستاۋ, پاۆلودار, تۇندە جانە تاڭەرتەڭ شىعىس قازاقستان وبلىستارىنىڭ كەي جەرلەرىندە تۇمان بولادى", - دەپ ەسكەرتتى مەتەورولوگتار.
