19 قاڭتار، 2018

عاجايىپ جاڭالىقتار

263 رەت كورسەتىلدى

زاماناۋي ەكونوميكانىڭ دامۋى ادامزاتقا وراسان زور جاڭا مۇمكىندىكتەر ۇسىناتىندىعىن، سوعان ساي ەكونوميكانىڭ كەيبىر ءداستۇرلى سالالارىنىڭ تۇبەگەيلى وزگەرىسكە تۇسەتىنىن قازىردىڭ وزىندە بايقاۋعا بولادى. تەك ءبىر عانا اۋىل شارۋاشىلىعىن الىپ قارايىقشى.

امەريكالىق ModernMeadow كومپانياسى مال ەتى مەن تابيعي تەرى ازىرلەۋدىڭ تەحنولوگياسىن ويلاپ تاپقان. مۇنداي ەت پەن تەرىنى ازىرلەۋ ۇدەرىسى بىرنەشە كەزەڭنەن تۇرادى. ەڭ الدىمەن، عالىمدار دونور مالداردان ميلليونداعان كلەتكالاردى ءبولىپ الادى. ولاردىڭ ءوزى كادىمگى مالدار نەمەسە تەرىسى ءۇشىن ءجيى قۇر­بان­­دىققا شالىنىپ جاتاتىن ەكزوتيكالىق جانۋارلار بولۋى مۇمكىن. مۇنان كەيىن الىنعان كلەتكالار بيورەاكتورلاردا كوبەيتىلەدى. ودان كەيىنگى كەزەڭدە كلەتكالار بويىنداعى قورەكتىك سۇيىقتاردان اجىراتىلىپ بارىپ، ءبىر ماسساعا بىرىكتىرىلەدى. ودان كەيىن 3D بيوپرينتەرىنىڭ كومەگىمەن بىرىكتىرىلگەن كلەتكا قابات­تا­رى قايتادان بيورەاكتورعا ور­نا­لاس­تىرىلىپ، وسىرىلەدى. تەرى كلەت­كا­لارى كوللاگەندى تالشىقتاردى قا­لىپ­تاس­تىرىپ، ەت كلەتكالارى ناعىز بۇل­شىق ەت جىپشەلەرىن قۇرايتىن بولادى.

بۇل ۇدەرىسكە بىرنەشە اپتا قاجەت ەكەن. جاساندى جولمەن الىنعان بۇلشىق ەت پەن ماي تاعام ازىرلەۋ ءۇشىن قولدانىلسا، ال تەرىلەردەن كيىم، اياقكيىم، سومكەلەر سىندى تولىپ جاتقان بۇيىم جاسالادى.

قازىرگى تابيعي جولمەن ەت وندىرۋگە قاراعاندا 3D پرينتەرى ارقىلى ەت الۋعا قۋات كوزى ءۇش ەسە، ال سۋ 10 ەسە از جۇم­­سالادى. اۋانىڭ لاستانۋى دا 20 ەسە ازايادى. ونىڭ ۇستىنە تابيعي جولمەن مال وسىرۋگە قاراعاندا پايدالانى­لات­ىن جەر كولەمى 100 ەسەگە جۋىق قىس­قارا تۇسەدى. بىلايشا ايتقاندا، جايىلىم قاجەت بولمايدى. تەك جاساندى جولمەن ءونىم الاتىن زاۋىتتى ورناتۋعا عانا جەر بولىنەدى.

ەندى ءبىر عالىمدار دالاداعى ەگىستىكتەر بولاشاقتا قالانىڭ ىشىنە كوشىرىلەتىندىگىن ايتىپ جاتىر. ميلليونداعان ادام ءومىر ءسۇرىپ جاتقان قالا ورتالىعىنداعى 30 قاباتتان تۇراتىن تەرەزەسىز ءزاۋلىم عيماراتتى كوز الدىڭىزعا ەلەستەتىپ كورىڭىز. ونىڭ اۋدانى 100ح100 شارشى مەتر جەردى، ياعني 1 گەكتار جەردى الىپ جاتىر دەيىك. سوندا بۇل استىق وسەتىن عيماراتتىڭ ىشىندە 30 گەكتار جەر پايدا بولادى دەگەن ءسوز. ال ەندى عيماراتتىڭ ءاربىر قاباتىنىڭ ءوزى استىق بويىنداي عانا بەس قابات گيدروپون كونتەينەرلەرگە بولىنەتىن بولسا – 150 گەكتار ەگىستىك دايىن.

بۇل ەگىستىككە ارنالعان عيماراتتا تەمپەراتۋرا مەن ىلعال جانە جارىق ساۋلە تۇراقتى تۇردە بولاتىندىقتان، ءار گەكتارىنان ەڭ كەم دەگەندە 50 تسەنتنەردەن (مۇنداي ءونىم كولەمىن ەۋرو­پالىقتار قازىرگى كۇننىڭ وزىندە دالاداعى تابيعي ەگىستىكتەردەن الىپ ءجۇر)، ايتپەسە 75 تسەنتنەرگە دەيىن ءونىم الۋعا مۇمكىندىك جەت­كى­لىك­تى. ونىڭ ۇستىندە عيمارات ىشىن­دە­گى ەگىستىك استىقتىڭ ءوسىپ-جەتى­لۋ­ى­نە با­رىن­شا قو­لايلى ەتىپ ۇيىم­دا­س­­تى­­رى­لا­تىن­دىق­تان، ءبىر جىلدا كەم دەگەن­دە 3 رەت (تابيعي استىقتىڭ ءوسىپ شى­عۋ­­ىنا 3 اي ۋاقىتتىڭ ءوزى جەتكىلىكتى ەكەن­­دىگىن ەسكە الايىق)، ءتىپتى 4 رەت ءونىم جينالاتىن بولادى. ءونىمدى جيناۋ، كەپتىرۋ، ۇن تارتۋ، نان ازىرلەۋ جۇ­مىستارىنىڭ بارلىعى تولىق اۆتو­ماتتاندىرىلادى. ەگىستىكتىڭ ءوزى قالا­نىڭ ىشىندە ورنالاسقاندىقتان وندا تاسىمال شىعىندارى بولمايدى. ونىڭ ۇستىنە، عيمارات ىشىندەگى ەگىس­تىك قورشاعان ورتانىڭ ءارتۇرلى ىق­تيمالدى قاۋىپ-قاتەرلەرىنەن تولىق قور­عالاتىندىقتان، وندا زيانكەستەر ار­قىلى استىق اۋرۋلارىن جۇقتىرۋ دەگەن بولمايدى. دەمەك، ءارتۇرلى حيميا­لىق گەربيتسيدتەر قاجەت ەمەس.

ەسەپتەي كەلگەندە، مىنە وسىنداي ءبىر عيمارات ىشىندەگى ەگىستىكتىڭ ءوزى قالا حالقىنا جىلىنا كەم دەگەندە 3 مىڭ توننا استىق بەرە الادى ەكەن. ال ءبىزدىڭ قازاقستاننىڭ قازىرگى جاعدايىندا 3 مىڭ توننا استىق ءوسىرۋ ءۇشىن ورتا ەسەپپەن العاندا 3 مىڭ گەكتار جەر پايدالانىلاتىنىن ەسكە سالا كەتەيىك. 
مىنە كەزەكتى يندۋستريالىق رەۆو­ليۋ­تسيانىڭ بىزگە سىيلايتىن جا­ڭا­لىق­­تارى وسىنداي. ادام ايتسا نان­عىسىز وزگەرىستەر. بىراق جيىرماسىنشى عاسىردىڭ باسىندا ادامزات كوككە عارىش كەمەسىن ۇشىرادى، ايعا ادامنىڭ تابانى تيەدى، تەلەديدار جۇمىس ىستەپ، الەمنىڭ ءار شالعايىنان ءسات ساعاتىندا حابار كورسەتەدى، ينتەرنەت شىرماۋىعى پايدا بولادى دەگەنگە ادامدار سەنىپ پە ەدى. ويتكەنى ول تۇستا ۇشاق ۇشىرۋدىڭ، تەلەگراف قىزمەتىن جولعا قويۋدىڭ ءوزى قيىن بولاتىن. 

دەمەك، ەلباسىنىڭ ەلىمىزگە ۇسىن­عان ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋى – الەم­دىك اۋقىمداعى الداعى ءومىر وزگە­رىس­­تەرىن كەڭىنەن قامتىعان جولداۋ. ولاردا كورسەتىلگەن مىندەتتەردى جۇزەگە اسىرۋ ارقىلى ءبىز سول وزگەرىستەردىڭ كەلۋىن جەدەلدەتە تۇسەتىن بولامىز.

سۇڭعات الىپباي،
«ەگەمەن قازاقستان»
 

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

ۇقساس جاڭالىقتار