ەلباسى ءوز سوزىندە قازاقستان حالقىنىڭ جارقىن بولاشاعى ءۇشىن دەنساۋلىق ساقتاۋ سالاسىنان باستاپ, اۋىل شارۋاشىلىعىنا دەيىن, تەحنولوگيالىق دامۋدان باستاپ, ءبىلىم بەرۋ سالاسىن ىلگەرىلەتۋگە دەيىن ءار سالانى قامتىپ, جۇزەگە اسىرۋدىڭ ناقتى جولدارىن كورسەتتى.
مەملەكەت باسشىسىنىڭ ء«وزىنىڭ تاريحىن, ءتىلىن, مادەنيەتىن بىلەتىن, سونداي-اق زامانىنا لايىق شەتەل تىلدەرىن مەڭگەرگەن, وزىق ءارى جاھاندىق كوزقاراسى بار قازاقستاندىق ءبىزدىڭ قوعامىمىزدىڭ يدەالىنا اينالۋعا ءتيىس» دەگەن ءسوزى ەلدەگى جانە شەتەلدەگى قازاقتار ءۇشىن ەڭ ماڭىزدى ماقسات بولۋعا ءتيىس.
اتاجۇرتىمىز قازاق ەلى, قاسيەتىڭنەن اينالايىن, تاۋەلسىزدىكتى جاريالاعان كۇننەن باستاپ, ساياسي-ەكونوميكالىق, ساۋدا-ساتتىق, مادەني-گۋمانيتارلىق سالالاردا كوپتەگەن جەتىستىكتەرگە قول جەتكىزدى. حالىقارالىق ارەنادا ءوزىن جان-جاقتى, سەنىمدى جانە جاۋاپتى ەل رەتىندە تانىتىپ ۇلگەردى. الەمدەگى كوپتەگەن ەلدەن وزىپ شىقتى. ەكونوميكالىق جاعدايىن جاقسارتىپ, اۋىلشارۋاشىلىق, تۋريزم, دەنساۋلىق ساقتاۋ, يندۋستريالاندىرۋ سىندى ماڭىزدى سالالار بويىنشا قىرۋار جۇمىستار اتقارىپ, دامۋدىڭ جاڭا كەزەڭىنە قادام باستى.
2017 جىلى حالىقارالىق ەكسپو كورمەسىن وتكىزگەن قازاقستاننىڭ جۇلدىزى جارقىراپ, الەمدىك ساياساتتاعى سالماعى ۋاقىت وتكەن سايىن ارتىپ كەلە جاتقاندىعىنىڭ ايعاعى – 2018 جىلعى 1 قاڭتاردان باستاپ بۇۇ قاۋىپسىزدىك كەڭەسىنە توراعالىق ەتۋى. «قازاقستان-2050» دامۋ ستراتەگياسىن قابىلداعان قازاقستان مەملەكەتى الەمدەگى ەڭ وزىق 30 ەلدىڭ قاتارىنا كىرۋدى الدىنا ماقسات ەتىپ وتىر. بىزدەر, تۇركياداعى قانداس باۋىرلار رەتىندە بۇل تاريحي باستامانى قولدايمىز جانە دە جۇزەگە اسىرىلاتىنىنا كامىل سەنەمىز. قازاق ەلىنىڭ قول جەتكىزگەن تابىستارى – الەمنىڭ تۇكپىر-تۇكپىرىندە مەكەندەگەن قازاق جۇرتشىلىعىنىڭ ماقتانىشى.
شابان سەركان دينچتۇرىك,
«قازاق-تۇرىك ءبىلىم جانە زەرتتەۋ» قاۋىمداستىعىنىڭ توراعاسى, دۇنيەجۇزىلىك قازاقتار قاۋىمداستىعىنىڭ تورالقا مۇشەسى (تۇركيا)
