كىتاپ ەلىمىزدىڭ جاڭا تاريحىن تۇتاس قامتىعان, مازمۇنى اسا باي 4 بولىمنەن تۇرادى. كىتاپتا ءار ءبولىم ءوز ىشىندە بىرنەشە بولىكتەرگە بولىنگەن. ولاردىڭ اتاۋلارىنا دا اسا ءمان بەرىلىپ, جاڭا تاريحىمىز بەن قازاقستاندىق قۇندىلىقتاردىڭ داۋىرلىك وقيعالارى ناقتى ءارى ايقىن كورىنىس تاپقان.
اتاپ ايتقاندا, «تاريحي ادىلەتتىلىك سالتاناتى», «تۇعىرى بەرىك مەملەكەتتىك قۇرىلىم», «باستى قۇندىلىعىمىز – بەيبىتشىلىكتى قاستەرلەي بىلدىك», «جاڭالىقتىڭ جىلى لەبى جانە قايتا تۇلەگەن ءداستۇر», «سىرتقى ساياسات: تىڭعا تۇرەن سالعانداي...», «قياعا كوز تىككەن قازاقستان بارىسى», «باياندى بولسىن باس قالا!», «ساياسي تۇراقتىلىقتىڭ جەمىسى», «تاۋەلسىزدىك رۋحىمىزدى شىڭدادى», ء«بىز الەمدىك داعدارىس سىناعىنا توتەپ بەردىك», «بۇرىن-سوڭدى بولماعان زياتكەرلىك ورلەۋ» جانە ت.س.س. بولىمدەردە وتكەن ءومىرىمىز, وتكەلدەرىمىز, جارقىن ساتتەرىمىز جان-جاقتى كەڭ تۇرعىدا باياندالادى.
سونداي-اق كىتاپتا «قازاقستاندىق دامۋ ۇلگىسىنىڭ» تابيعاتى مەن ونىڭ ەۆوليۋتسياسى, باستى ۇستانىمدارى مەن قوزعاۋشى كۇشتەرى سارالانعان. قازاقستاندى جاڭعىرتۋدىڭ ءۇش تولقىنى كەڭىنەن اشىپ كورسەتىلگەن. ەڭبەكتە مەملەكەتتىڭ ىشكى ساياساتىنىڭ جارقىن جەتىستىكتەرى, ىشكى ساياسي جانە ىشكى ەكونوميكالىق وزگەرىستەردىڭ قالاي جۇزەگە اسىرىلعانى باياندالعان. سونىمەن قاتار ايماقتىق قاۋىپسىزدىك ماسەلەسى دە كەڭىنەن تالدانعان.
بۇل كىتاپتا تاۋەلسىزدىكتىڭ قادىر-قاسيەتى, بوستاندىقتىڭ باعا جەتپەس بايلىعى, مەملەكەتتىلىكتى جەتىلدىرۋدىڭ مول مۇمكىندىكتەرى ەگجەي-تەگجەيلى جازىلعانىنا ايرىقشا نازار اۋدارۋدى ءجون كورەمىز.
ەلىمىز ءۇشىن تاۋەلسىزدىك زامانى عاسىرلار جۇگىن ارقالاعان ەرەكشە كەزەڭ رەتىندە قۇندى. ەلىمىزدىڭ تاۋەلسىزدىگى مەن مەملەكەتتىلىگىنىڭ ورنىعا ءتۇسۋى, ۇلتتىق قاۋىپسىزدىگى, ەكونوميكامىزدىڭ جەدەل قارقىنمەن دامي بەرۋى, قازاقستان حالىقتارىنىڭ ءوز بولاشاقتارىنا دەگەن بەرىك سەنىمى, قازىرگى زامانداعى وركەنيەتتى قوعامداستىق ورتاسىندا ىرگەلى ەلگە اينالۋىندا ەلباسىنىڭ ساياساتكەرلىگى, كورەگەن باسشىلىق تۇلعاسى ايقىن كورىنەتىنى ءسوزسىز. تاۋەلسىزدىگىمىزدىڭ ارقاسىندا ەل ەكونوميكاسى دا جىلدان-جىلعا نىعايىپ, مادەني, رۋحاني دامۋ دەڭگەيى بەلەسكە كوتەرىلۋدە. 2017 جىلى ەكسپو كورمەسىنىڭ استانادا ءوتۋى, وعان الەمنىڭ دامىعان مەملەكەتتەرىنىڭ قاتىسۋى – ەلىمىز ءۇشىن ۇلكەن ابىروي بولدى.
مەملەكەت باسشىسى بۇل ەڭبەگىندە ء«بىزدىڭ ازاماتتارىمىز, əسىرەسە جاستارىمىز باعدارىمىزدىڭ نە ءۇشىن جəنە قالاي ايقىندالعانىن, تəۋەلسىز قازاقستاننىڭ قانداي جاعدايدا ومىرگە كەلىپ, قۇرىلعانىن, ونى قالىپتاستىرۋدا قانداي ادامداردىڭ ماڭىزدى ءرول اتقارعاندىعىن, سول كەزدە قانداي وقيعالار بولعانىن بىلۋگە ءتيىس» دەگەندى ايتادى.
ولاي بولسا, قوعامدىق ءومىر ساباقتارى مەن وتانىمىزدىڭ مۇددەسى قازىرگى تاڭدا جاس ۇرپاقتىڭ الدىنا پاتريوتتىق داستۇرگە ساي كەلەتىن جاڭا تالاپتاردى قويىپ وتىر. ءبىر كەزدە اتا-بابالارىمىزدىڭ الدىندا تاۋەلسىزدىك ءۇشىن كۇرەسۋ ماقساتى تۇرعان بولسا, بۇگىنگى ۇرپاق الدىندا ونى نىعايتا ءتۇسۋ مىندەتى تۇر.
شىن مانىسىندە ەلباسىنىڭ تاريحي ماڭىزى اسا زور «تəۋەلسىزدىك ءدəۋىرى» اتتى ەڭبەگىنىڭ ەل تانىتۋشى قۇرال رەتىندە حالقىمىزعا بەرەرى مول.
گۇلسارا دجولداسباەۆا,
ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ پرورەكتورى
ماڭعىستاۋ وبلىسى
