ون ايلىق قورىتىندى ويداعىداي

پرەمەر-مينيستر كارىم ءماسىموۆتىڭ توراعالىعىمەن ءوت­كەن كەشەگى ۇكىمەت وتىرى­سىندا ەلىمىزدىڭ الەۋمەتتىك-ەكونوميكا­لىق دامۋىنىڭ ون ايلىق قورىتىندىسى قارال­دى. ونى ويداعىداي دەپ اي­تۋعا ابدەن بولادى. اتالعان ماسەلە بويىنشا بايان­داما جاساعان ەكونوميكالىق دامۋ جانە ساۋدا ءمينيسترى قايرات كەلىمبەتوۆتىڭ ايتۋىنشا, جىل باسىنان بەرى ەل ەكونوميكاسىنىڭ دامۋى جاعىمدى اعىمدار بويىن­شا ءجۇرىپ كەلەدى. ون ايلىق قورى­تىندى ناتيجەسىندە وتكەن جىل­دىڭ وسى مەرزىمىمەن سالىس­تىر­عاندا, ەكونوميكانىڭ ماڭىزدى دەگەن التى ارقاۋلىق سالاسىندا دامۋ كورسەتكىشى 7,2 پايىزدى قۇ­را­عان. ءسويتىپ, الەمدىك ەكونومي­كا­نىڭ جاندانۋى, ەكسپورتقا باعىت­تال­­عان تاۋارلار باعاسىنىڭ تۇ­راق­­تى­لىعى, ەل ىشىندەگى سۇرانى­س­تىڭ ارتۋى وسىنداي كورسەتكىشكە قول جەتكىزۋگە نەگىز بولعان. ال ءوت­كەن توعىز ايدىڭ ىشىندە ىشكى جالپى ءونىم كولەمى بىلتىرعى جىلدىڭ وسى مەرزىمىمەن سالىستىرعاندا 7 پايىزعا ارتا تۇسكەن بولاتىن. ق.كەلىمبەتوۆ ءوز بايانداما­سىن­دا ون ايدا ونەركاسىپ ءونىمىنىڭ كولەمى 4 پايىزعا, ال اۋىل شا­رۋا­شىلىعى ونىمدەرىنىڭ جالپى كو­لە­مى 22,8 پايىزعا ۇلعايسا, قۇ­رىلىس جۇمىستارىنىڭ كولەمى 2,8 پايىزعا, كولىك قىزمەتىنىڭ كولەمى 6,5 پايىزعا, بايلانىس قىزمەتى 17,8 پايىزعا, بولشەك ساۋدا 12,7 پايىزعا ۇلعايا تۇسكەنىن ايتتى. سونداي-اق, اعىمداعى جىلدىڭ قاڭتار-قىركۇيەك ايلارىنداعى تاۋ­ار ەكسپورتىنىڭ ءوسىمى وتكەن جىل­دىڭ وسى مەرزىمىمەن سالىس­تىر­عاندا 49,9 پايىزعا ارتىپ, 65,8 ميلليارد دوللاردى قۇراعان. مۇنىڭ ىشىندە يمپورت 26,1 ميلليارد دوللار بولسا, ەكسپورت 39,8 ميلليارد دوللار بولعان. رەسپۋبليكالىق جانە جەرگىلىكتى بيۋدجەتتەردىڭ ورىندالۋ ءنا­تي­جەسى دە جامان ەمەس. وسى بوي­ىنشا بايانداما جاساعان قارجى ءمينيسترى  بولات جامىشەۆ ەلىمىز­دىڭ حالىقارالىق رەزەرۆتەرى بىل­تىر­عى كەزەڭمەن سالىستىرعاندا 26,6 پايىزعا ارتىپ, 75 ميلليارد اقش دوللارىن قۇراعاندىعىن, ونىڭ ىشىندە ۇلتتىق قوردىڭ اكتيۆتەرى 42,4 ميلليارد دوللارعا جەتكەندىگىن ايتىپ ءوتتى. سونداي-اق, ۇلتتىق بانكتىڭ التىن ۆاليۋتا قورى 12,6 پايىزعا ارتىپ, 32,6 ميلليارد دوللاردى قۇراعان ەكەن. ەلىمىزدە يندۋستريالاندىرۋ كار­تاسى اياسىنداعى جوبالاردىڭ جۇزەگە اسىرىلۋى ەل ەكونو­مي­كا­سىنا وڭ ىقپال تيگىزگەن. قازىرگى  كۇنى جالپى قۇنى 9 ميلليارد تەڭگەنى قۇرايتىن 234 يندۋس­تريا­لىق جوبا ىسكە قوسىلعان. سونىڭ ىشىندە بيىلعى جىلدىڭ باسىنان بەرى 82 يندۋستريالىق جوبا ىسكە قوسىلىپ, 29 مىڭ جاڭا جۇمىس ور­نىنىڭ اشىلۋىنا ىقپال ەتىپ وتىر. ەگەر وڭىرلەر جاعدايلارىنا كە­لەر بولساق, ونەركاسىپتىك ءون­دى­رىستىڭ دامۋى ەلىمىزدىڭ بارلىق ايماعىندا دا كورىنىس بەرىپ وتىر. سونىڭ ىشىندە ەڭ جوعارعى ءوسىم كولەمى استانا قالاسىندا ء(وسىم كولەمى 30,5 پايىز), جامبىل وبلىسىندا (32,3 پايىز), اقمولا وبلىسىندا (17,9 پايىز), الماتى قالاسىندا (15 پايىز) بايقالعان. ال وڭىرلەرگە كەلىپ جاتقان ين­ۆەس­تيتسيالاردىڭ جوعارى كولەمى استانا قالاسىندا (29,1 پايىز), شى­عىس قازاقستان وبلىسىندا (33,6 پايىز), قاراعاندى وبلى­سىن­دا (16,4 پايىز) كورىنىس بەردى. سۇڭعات ءالىپباي.