وتاندىق ءونىمدى ىلگەرىلەتۋ كەرەك

جۇرتشىلىقپەن كەزدەسۋ بارىسىندا ەلباسىنىڭ اتىنا كوپتەگەن جىلى سوزدەر ايتىلدى. سونداي-اق ون نەگىزگى مىندەت اياسىندا ءوندىرىس ۇدەرىستەرىن ساندىق نەگىزگە كوشىرۋ ارقىلى يندۋستريالاندىرۋدى ورىستەتۋ, ءبىلىم بەرۋدى جاڭا سيپاتتا دامىتۋ, قارجى سەكتورىن قايتا قالىپتاستىرۋ, كولىك-لوگيستيكا ينفراقۇرىلىمىنىڭ تيىمدىلىگىن ارتتىرۋ, سىبايلاس جەمقورلىقپەن كۇرەس جانە ءتيىمدى مەملەكەتتىك باسقارۋ جۇزەگە اساتىنىنا سەنىم ءبىلدىردى.

باعدارلامالىق قۇجاتتاعى داعدارىسقا قاراماستان مەملەكەت ءوزىنىڭ الەۋمەتتىك مىندەتتەمەلەرىن تولىق كولەمدە ورىندايتىنى, ياعني ءبىزدىڭ ازاماتتارىمىزدىڭ ءال-اۋقات دەڭگەيىن ودان ءارى ارتتىرۋ مۇمكىندىگى بار ەكەنىن اۋىل تۇرعىندارى ريزاشىلىقپەن قابىلدادى. 1 قاڭتاردان باستاپ ىنتىماقتى زەينەتاقى 8 پايىزعا ءوستى, ال شىلدەدەن باستاپ بازالىق زەينەتاقى ەڭبەك وتىلىنە بايلانىستى ورتاشا العاندا 1,8 ەسە ۇلعايادى. پرەزيدەنت ودان باسقا 1 شىلدەدەن باستاپ بالالىق كەزىنەن كامەلەت جاسىنا تولعان 1 توپتاعى مۇگەدەكتەردىڭ كۇتىمى ءۇشىن اتا-انالارىنا مەملەكەتتىك قوسىمشا جاردەماقى ەنگىزۋدى تاپسىردى. بۇل وتە قاجەتتى قولداۋ بولىپ تابىلادى.

مەكتەپ مۇعالىمدەرى دە ەڭبەكاقىنى كوتەرۋ تۋرالى شەشىمدى العىس سەزىمىمەن قابىلدادى. بۇل شارا ولاردىڭ ەڭبەگىنىڭ بەدەلىن كوتەرەدى جانە كاسىبي بىلىكتىلىگىن ودان ءارى جەتىلدىرۋگە ىنتالاندىرادى. 1 قاڭتاردان باستاپ مازمۇنى جاڭارعان وقۋ ماتەريالدارىنا كوشەتىن مۇعالىمدەردىڭ لاۋازىمدىق ەڭبەكاقىسى 30 پايىزعا ۇلعايادى جانە قارقىندى دامىپ كەلە جاتقان ەكونوميكانىڭ ارقاسىندا مەملەكەتتە وعان جەتەتىن قارجى بار.

اۋىل ەڭبەككەرلەرى جولداۋدا اگروونەركاسىپ كەشەنى ءبىزدىڭ ەلىمىز ەكونوميكاسىنىڭ درايۆەرى رەتىندە اتاپ وتىلگەنىن, بۇل سالا الدىنا بيىك ءارى ورىندالاتىن مىندەتتەر قويىلعانىن اتاپ ءوتتى. پرەزيدەنت اتاپ وتكەندەي, اۋىل شارۋاشىلىعى عىلىمى ايرىقشا نازار اۋدارۋدى جانە اگرارلىق ۋنيۆەرسيتەتتەردىڭ ءرولىن قايتا قاراۋدى, جاڭا تەحنولوگيالار مەن بيزنەس ۇلگىلەرىن ويلانىپ ەنگىزۋدى تالاپ ەتەدى. ەلباسى مەملەكەت پەن بيزنەس وكىلدەرى بىرلەسە وتىرىپ, وتاندىق ءونىمدى ىلگەرىلەتۋ كەرەكتىگى تۋرالى ايتتى. پرەزيدەنتتىڭ بۇل ءسوزى وڭدەلگەن اۋىل شارۋاشىلىعى ونىمدەرىنىڭ ەكسپورتىن ۇلعايتۋ ءۇشىن قاجىرلى قىزمەت ەتىپ جاتقان جانە ەڭبەك ونىمدىلىگىن ۇلعايتۋعا ءازىر جەرگىلىكتى ءونىم وندىرۋشىلەرگە قانات بىتىرەدى.

ولگا پەرەپەچينا,

پارلامەنت سەناتىنىڭ دەپۋتاتى