بالىق قورى دا ازايىپ كەتتى. وسى ولقىلىقتىڭ ورنىن تولتىرۋ ءۇشىن وبلىستىق اكىمدىك بىرقاتار شارالار قابىلداپ, وزەننىڭ گيدروگەولوگيالىق جاعدايىن جاقسارتۋعا باعىتتالعان ينۆەستيتسيالىق جوبا دايىندادى. قر پارلامەنت سەناتىنىڭ دەپۋتاتى سارسەنباي ەڭسەگەنوۆ قۇرمانعازىلىقتاردىڭ جانايقايىن جوعارى جاققا جەتكىزىپ, قيعاش وزەنى ماسەلەسى بويىنشا ۇكىمەت باسشىسىنا دەپۋتاتتىق ساۋال جولداعانى جايلى «ەگەمەن قازاقستان» گازەتىنىڭ بەتىندە بۇرىن دا جازىلعان ەدى. پارلامەنت سەناتى مەن ءماجىلىسىنىڭ دەپۋتاتتارى سارسەنباي ەڭسەگەنوۆ پەن باقىتجان ەرتاەۆتىڭ قۇرمانعازى اۋدانى جۇرتشىلىعىمەن كەزدەسۋىندە وسى ماسەلە تاعى دا تالقىعا ءتۇستى.
- بيىل قيعاش وزەنىن تەرەڭدەتىپ قازۋ جۇمىستارىنا 1 ملرد تەڭگە قارجى ءبولىندى. بۇل جۇمىس ۋاقىتىلى ءارى ساپالى جۇرگىزىلۋى ءتيىس, - دەدى سەناتور سارسەنباي ەڭسەگەنوۆ.
ەڭبەكشى سەلولىق وكرۋگىنىڭ اكىمى قانات عابباسوۆ قازىلاتىن 150 شاقىرىمعا كوبياكوۆ ارناسىن قوسسا, اۋىل تۇرعىندارى تازا سۋدان تارشىلىق كورمەس ەدى دەگەن ۇسىنىسىن ايتتى.
كەزدەسۋدە دەپۋتاتتار پارلامەنت قابىرعاسىندا قابىلدانعان جاڭا زاڭدار, سالىق, كەدەن كودەكسىنە ەنگىزىلگەن وزگەرىستەردىڭ اۋىل-ەلدە قانشالىقتى جۇزەگە اسىپ جاتقانىنا دا نازار اۋداردى.
باقىتگۇل باباش,
«ەگەمەن قازاقستان».
اتىراۋ.
