ول - بۇعان دەيىن اتىراۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى قىزمەتىن اتقارىپ كەلگەن اسقار جاناحمەت.
ساعىندىق لۇقپانوۆ اسقار جاناحمەتتىڭ جەكە سەكتور مەن مەملەكەتتىك ورگاندارداعى جۇمىس ءوتىلىن ايتا كەلە, ونىڭ مەريتوكراتيا قاعيداتىنا سايكەس مەملەكەتتىك بوس جۇمىس ورنىنا كونكۋرس ناتيجەسىندە وسى لاۋازىمعا تاعايىندالعانىن اتاپ ءوتتى.
اسقار جاناحمەت قۇرىلىس جانە ەكونوميكا سالالارىندا ەكى جوعارى ءبىلىمى بار. ەڭبەك جولىن 2006 جىلى جەكە سەكتوردا مەنەدجەرلىكتەن باستاعان. 2011 جىلعا دەيىن جەكە كومپانيانىڭ باس ديرەكتورى بولدى. 2012 جىلى مەملەكەتتىك قىزمەتتەگى جۇمىسىن باستاپ, باس مامان, ينسپەكتور, ءبولىم باسشىسىنىڭ ورىنباسارى, اتىراۋ وبلىسى اكىمى اپاراتى باسشىسىنىڭ ورىنباسارى بولدى. 2017 جىلدىڭ 1 تامىزىنان باستاپ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى قىزمەتىن اتقاردى.
