ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ ماقساتىندا جامبىل وبلىستىق تاريحي-ولكەتانۋ مۋزەيىندە مويىنقۇم اۋدانىنىڭ قۇرمەتتى ازاماتى, بەلگىلى قۇسبەگى جاپار ساتىلعانوۆتىڭ «قازاقتىڭ قۇسبەگىلىك ءداستۇرىنىڭ رۋحاني جالعاستىعى» اتتى كورمەسى ءوتتى. كورمە بارىسىندا قۇسبەگى عاسىرلار بويى قازاقتىڭ قانىندا قالىپتاسقان, بولمىسىمەن بىتە قايناسقان ساياتشىلىق جونىندە اڭگىمەلەدى. سونداي-اق ول بابالاردان ميراس بولىپ قالعان قۇسبەگىلىك ءداستۇردى قازاقى سالتپەن استاستىرا وتىرىپ دامىتۋ قاجەتتىگىن دە ءسوز ەتتى.
وسى ورايدا بابادان قالعان قۇسبەگىلىك ءداستۇردى جالعاستىرىپ كەلە جاتقان جاپار ساتىلعانوۆ اكەسى تىلەۋجاننان قالعان 28 ەتنوگرافيالىق بۇيىمدى مۋزەي قورىنا تاپسىردى. اتالعان بۇيىمداردىڭ ىشىندە قولعا قۇس قوندىرعاندا كيەتىن بيالاي, كونە شاپان, تۇلكى تىماق, قۇسقا جەم بەرەتىن ساپتاياق جانە اڭشىلىققا شىققاندا بەلگە تاعاتىن بەلبەۋ سياقتى جادىگەرلەر بار.
حاميت ەسامان,
«ەگەمەن قازاقستان»
جامبىل وبلىسى
