جاڭا توراعا سايلاندى

جۋىردا وبلىس ورتالىعىندا «نۇر وتان» حدپ پاۆلودار قالالىق فيليالىنىڭ كە­زەك­تەن تىس ەسەپ بەرۋ-سايلاۋ كونفەرەنتسيا­سى ءوتتى. وندا قالالىق پارتيا فيليالىنىڭ جاڭا توراعاسى سايلاندى. دەلەگاتتار باس­شى­لىققا ءبىراۋىزدان قالا اكىمى ورازگەلدى قايىرگەلدينوۆتى لايىق دەپ تاپتى. «نۇر وتان» پارتياسى وبلىستىق في­ليا­لى توراعاسىنىڭ ءبىرىنشى ورىنباسارى اي­گۇل نۇركينا پارتيانىڭ قالالىق قۇرى­لى­مى جەتەكشىلىگىنە ۇسىنىلعان ۇمىتكەردىڭ ءومىر­بايا­نىنا توقتالىپ, ونىڭ باسقارۋ­شىلىق ءتاجى­ريبەسىنىڭ مولدىعىن اتاپ ءوتتى. ءوز كەزەگىندە ورازگەلدى اليعازى ۇلى وزىنە جۇكتەلگەن سەنى­منىڭ ۇدەسىنەن شىعاتىنىنا, ەلباسىنىڭ جولداۋىندا بەرىلگەن تاپسىر­مالاردى ور­ىن­داۋعا كۇش سالاتىنىنا ۋادە بەردى. سونىمەن قاتار, كونفەرەنتسيا بارى­سىن­دا قالالىق پارتيا فيليالىنىڭ ساياسي بيۋ­روسى, ساياسي بيۋرو كەڭەسى جانە جەمقور­لىق­پەن كۇرەس جونىندەگى قوعامدىق كەڭەسىنىڭ قۇرامىنا وزگەرىستەر مەن تولىقتىرۋلار ەنگىزىلدى. پارتيا مۇشەسى ۆيكتور جامۋلدينوۆ جەمقورلىقپەن كۇرەس جونىندەگى كەڭەستىڭ توراعاسى بولىپ سايلاندى. ال قالالىق ءماسليحات دەپۋتاتتارى ا.ۆينەرتسەۆ پەن ي.تەرەنچەنكو «نۇر وتان» حدپ حالىقتىق تۇعىرناماسىن ىسكە اسىرۋعا بايلانىستى اتقارىلعان جۇمىستار جونىندە ەسەپ بەردى. جاڭادان پارتيا قاتارىنا وتكەن ازامات­تارعا كۋالىكتەر تابىس ەتىلدى. فاريدا بىقاي, پاۆلودار.