باس ۇيىممەن بايلانىس كورىنىسى

كەشە استانادا ەلىمىز سىرتقى ىستەر ءمينيسترى ە.قازىحانوۆ بۇۇ دامۋ باعدارلاماسىنىڭ ەۋروپا جانە تمد مەملەكەتتەرى اۋماقتىق بيۋروسىنىڭ ديرەكتورى ك.ۋدوۆيچكيمەن كەزدەسۋ وتكىز­دى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى. قازاقستان مەن بۇۇ دامۋ باع­دارلاماسى اراسىنداعى تابىستى ىنتىماقتاستىقتى اتاپ وتكەن اڭگى­مە­لەسۋشى تاراپتار, وسى ءوزارا ارە­كەتتەسۋدى ودان ءارى قاراي دا­مى­تۋعا ءوز نيەتتەرىن جەتكىزدى. ە.قازىحانوۆ قازاقستان ۇكى­مەتى مەن بۇۇ-نىڭ باستاما­لارىن­داعى ۇقساستىعىن جانە قا­زاقستاندا ءجۇ­زە­گە اسىرىلىپ جات­قان بىرىككەن باع­دارلامالار مەن جوبالاردىڭ ءتيىم­دى ىسكە اسۋىن­داعى ءوزارا ارە­كەتتەسۋى بويىنشا بۇۇ كورىنۋىن اتاپ كەتتى. 1993 جىلدان باستاپ بۇۇ دب-مەن بىرگە قازاقستاندا 123 جوبا جۇزەگە اسىرىلعانى, ال وسى ۋاقىتتا 30 جوبا ىسكە اسۋ ۇستىندە ەكەندىگى ءمالىم بولدى. اڭگىمە بارىسىندا قازاقستان­نىڭ الماتى قالاسىن كوپ جاقتى ديپلوماتيانىڭ سۋبايماقتىق ور­تا­لىعىنا اينالدىرۋ جوباسى قا­زاق­ستان مەن بۇۇ ىنتى­ماق­تاستىعىن جاڭا ساپالى دارەجەگە كوتەرۋگە مۇمكىندىك بەرەتىنى اتاپ ءوتىلدى. وسى­عان وراي, وتاندىق ءسىم باس­شىسى اڭگىمەلەسۋشىگە, مەملەكەت تاراپىنان «الماتىدا بارلىق حالىقارالىق ۇيىم­دار­دىڭ اۋماق­تىق وكىلدىكتەرىنىڭ ءوز قىزمەتتەرىن ءساتتى جۇرگىزۋىنە جانە جايعاسۋىنا بارلىق جاع­دايى بار» دەپ سەندىردى. ە.قازىحانوۆ الماتى قالا­سىنا بۇۇ-نىڭ اۋماقتىق ورتا­لى­عى بەيرەسمي مارتەبەسىن بەرۋ اۋماقتىق جانە سۋبايماقتىق جو­بالاردىڭ ىسكە اسىرىلۋىنا, سو­نى­مەن بىرگە, ورتالىق ازيا حالىقتارىنىڭ ءور­كەندەۋى مەن اۋماقتىق ىنتىماق­تاستىعىن نى­عايتۋعا مۇمكىندىكتەر تۋعىزار ەدى دەگەن سەنىم ءبىلدىردى. قازاقستان 2017-2018 جىل­دا­رى بۇۇ قاۋىپسىزدىك كەڭەسىنىڭ تۇراق­تى ەمەس مۇشەلىگىنە ساي­لا­نۋ­عا ىقىلاس تانىتۋدا.