قىزىلوردا وبلىسىنىڭ اكىمى قىرىمبەك كوشەرباەۆپەن كەزدەسۋ بارىسىندا دەپۋتاتتار ايماقتىڭ 2017 جىلعى الەۋمەتتىك-مادەني دامۋىنداعى نەگىزگى قورىتىندىلارمەن جانە وسى جىلعى جوسپارمەن تانىستى. ايماق باسشىسى ونەركاسىپتىڭ, اۋىل شارۋاشىلىعى, ءبىلىم بەرۋ, دەنساۋلىق ساقتاۋ جانە مادەنيەت سالالارىنىڭ جاي-كۇيى جانە كەلەشەكتەگى دامۋى تۋرالى جان-جاقتى حاباردار ەتتى.
سەناتورلار قىزىلوردا وبلىسىندا جەدەل جانە ايقىن قۇقىقتىق قىزمەت كورسەتۋ ماقساتىندا قۇرىلعان قۇقىق قورعاۋ قىزمەتى ورتالىعىنىڭ جۇمىسىمەن تانىستى. مۇندا ازاماتتارعا قۇقىقتىق ماسەلەلەردى شەشۋدە كەشەندى تۇردە كومەك كورسەتەتىن بىلىكتى ماماندار (پروكۋرور, ادۆوكات, مەدياتور, اكىمدىك وكىلدەرى) قىزمەت ەتەدى. ورتالىق قازىرگى زامانعى ينجەنەرلىك-تەحنيكالىق قۇرالدارمەن جابدىقتالعان, كەلۋشىلەرگە جايلى جاعداي جاسالعان.
پارلامەنتشىلەر جاڭا تۇرپاتتاعى پوليتسيا بەكەتىندە بولىپ, ونىڭ جۇمىسىنا جوعارى باعا بەردى. سونداي-اق 500-گە جۋىق كامەرا جۇمىس ىستەيتىن بەينەباقىلاۋ جۇيەسىنىڭ ءتيىمدى جۇمىسى اتاپ ءوتىلدى. دەپۋتاتتار قىلمىس دەڭگەيىن تومەندەتۋگە مۇمكىندىك بەرەتىن بۇل جاڭالىقتى ەلىمىزدىڭ باسقا دا ايماقتارىنا كەڭىنەن تاراتۋدى ۇسىندى.
دەپۋتاتتار قۇقىق قورعاۋ ورگاندارىنىڭ وكىلدەرىمەن كەزدەسۋ بارىسىندا زاڭدارداعى اكىمشىلىك جانە قىلمىستىق زاڭنامانى ىزگىلەندىرۋگە باعىتتالعان تۇزەتۋلەر تۋرالى اڭگىمەلەدى.
سەناتورلار سول كۇنى قالالىق ءماسليحات عيماراتىندا وبلىس اكتيۆىمەن, ءماسليحات دەپۋتاتتارىمەن جانە جۇرتشىلىق وكىلدەرىمەن كەزدەستى. سەنات توراعاسىنىڭ ورىنباسارى ب. بەكنازاروۆ ءوز سوزىندە پارلامەنت جوعارعى پالاتاسى قىزمەتىنىڭ قورىتىندىلارىنا توقتالدى. مەملەكەت باسشىسى ن.ءا.نازارباەۆتىڭ باستاماسىمەن جۇزەگە اسقان كونستيتۋتسيالىق رەفورما ەل ومىرىندەگى اسا ماڭىزدى وقيعا رەتىندە اتاپ ءوتىلدى. «پارلامەنت اتا زاڭعا مەملەكەت باسشىسى ۇسىنعان ساياسي رەفورمالاردى قۇقىقتىق تۇرعىدا قامتاماسىز وزگەرىستەر مەن تولىقتىرۋلاردى قابىلدادى. دەپۋتاتتار كورپۋسى جاڭا سالىق, كەدەن كودەكستەرى جانە باسقا دا زاڭدار بويىنشا اۋقىمدى جۇمىستار اتقاردى», - دەدى ب. بەكنازاروۆ.
سەنات توراعاسىنىڭ ورىنباسارى ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋى جانە «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ ماڭىزدى ءرولىن اتاپ ءوتتى. ب.بەكنازاروۆتىڭ ايتۋىنشا, قازاقستاننىڭ قاۋىپسىزدىك كەڭەسىنە مۇشە بولۋى, استانادا شىۇ ءسامميتى مەن «ەكسپو-2017» حالىقارالىق كورمەسىنىڭ ءوتۋى ءبىزدىڭ ەلىمىزدىڭ جاڭا تاريحىندا ەرەكشە ورىن الادى.
پارلامەنت قابىلداعان زاڭداردىڭ مازمۇنى, ەلىمىزدەگى رۋحاني جاڭعىرۋ ماسەلەلەرى, ونىڭ ىشىندە ۇلتتىق قۇندىلىقتاردى ساقتاۋ مەن قازاق ءتىلىن لاتىن ارپىنە كوشىرۋ تۋرالى مۇددەلىلىك تۇرعىسىندا اڭگىمە ورىستەدى. ب. بەكنازاروۆ شاراعا قاتىسۋشىلاردىڭ ساۋالدارىنا جاۋاپ بەردى.
