كۇن سايىن الادا 74 نارەستە دۇنيەگە كەلەدى. اعىمداعى جىلدىڭ 10 ايىندا استانادا 23 830 بالا دۇنيەگە كەلدى, ول وتكەن جىلدان 922 بالاعا ارتىق.
سونداي-اق نەگىزگى مەديتسينالىق-دەموگرافيالىق كورسەتكىشتەردىڭ جەتىستىگى بار. ءومىر ءسۇرۋ ساپاسى مەن مەديتسينالىق قىزمەتتىڭ جاقسارۋىمەن بىرگە, استانالىقتاردىڭ ءومىر ءسۇرۋ جاسى جىل سايىن ۇلعايىپ كەلەدى. وتكەن جىلدىڭ قورىتىندىسى بويىنشا ول - 75,4 جاستى قۇرادى.
تۇتاس العاندا دەنساۋلىق ساقتاۋ سالاسى كۇن سايىن الەۋەتىن كۇشەيتىپ كەلەدى: جاڭا مەديتسينالىق ۇيىمدار سالىنىپ, قولدانىستاعىلارى جاڭارتۋدان وتكىزىلىپ جاتىر. 2015-2016 جىلدارى قالادا بىرقاتار جاڭا نىساندار: قالالىق جەدەل-جاردەم ستانساسى, بالالار ينفەكتسيالىق اۋرۋحاناسى, ناركولوگيا جانە پسيحوتەراپيا ورتالىعى, №12 قالالىق ەمحانا سالىندى. بۇلاردىڭ بارلىعى زاماناۋي مەديتسينالىق قۇرال-جابدىقتارمەن قامتىلعان.
