وبلىس ورتالىعىنداعى 50 جىلدىق تاريحى بار عيمارات جاڭارتىلىپ, كۇردەلى جوندەۋدەن ءوتتى. وسى عيماراتتا بۇرىنعى «قىزىل تۋ» قازىرگى «سارىارقا سامالى», «زۆەزدا پريرتىشيا» سياقتى وبلىستىق گازەتتەر رەداكتسياسى ورنالاستى. وسى جولداردىڭ اۆتورى مەن دە 1985 جىلى كازگۋ-ءدىڭ جۋرناليستيكا فاكۋلتەتىن ءبىتىرىپ, جولدامامەن پاۆلودار وبلىستىق «قىزىل تۋ» گازەتىنە قىزمەتكە كەلگەن ەدىم. سودان بەرى 30 جىلدان اسا ۋاقىت ءوتتى, ەندى, مىنە, عيمارات جارقىراپ, وزگەرىپ قايتا ورالدى. قازىر عيماراتتا «ەرتىس مەديا» جشس قۇرامىنداعى اقپارات قۇرالدارى «رەگيون كز» دەگەن گازەت, «نايزاتاس» جۋرنالى, Pavlodarnews.kz اقپاراتتىق اگەنتتىگىنىڭ رەداكتسيالارى جۇمىس جاسايدى.
بۇعان دەيىن رەداكتسيالار بىرنەشە جىل باسقا ورىندا قىزمەت جاسادى. رەداكتسيالار عيماراتىن جاڭارتىپ, جوندەۋ قولعا الىنبادى. سوندىقتان, وبلىستىق گازەتتەر, «ەرتىس مەديا» جشس-ءنىڭ قۇرامىنداعى باسقا رەداكتسيالارمەن بىرگە ءارتۇرلى عيماراتتارعا كوشىپ ءجۇردى. جۋرناليستەر ءۇيىنىڭ قايتا ورالۋىمەن باق وكىلدەرىن وبلىس اكىمى بولات باقاۋوۆ تا قۇتتىقتادى. جىل قورىتىندىسىنا وراي بىرقاتار تەلەارنالار مەن گازەتتەردىڭ وكىلدەرىنە العىس حاتتار جانە ارنايى سەرتيفيكاتتار تابىس ەتتى. جۋرناليستەر ۇيىنەن «ەگەمەن قازاقستاننىڭ» تىلشىلەر قوسىنىنا دا ارنالىپ, ارنايى ورىن بەرىلەتىن بولدى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن: ۆالەري بۋگاەۆ
