2017-2018 جىلدارى ۇيىمعا توراعالىق ەتۋ قۇقىعى بەلارۋستەن قازاقستانعا بەرىلۋىنە بايلانىستى روتاتسيالاۋ پرينتسيپىنە سايكەس, قازاقستان رەسپۋبليكاسىنىڭ ۇقشۇ جانىنداعى وكىلەتتى وكىلى جانىبەك يماناليەۆ ۇقشۇ تۇراقتى كەڭەسىنىڭ توراعاسى بولىپ سايلاندى.
بەلارۋستىڭ ۇقكۇ جانىنداعى تۇراقتى جانە وكىلەتتى وكىلى, بەلارۋستىڭ رەسەيدەگى ەلشىسى يگور پەتريشەنكو قازاقستاندىق ارىپتەسىنە ۇقشۇ تۇراقتى كەڭەسىنىڭ شەشىمدەرىنىڭ سيمۆولىن بىلدىرەتىن بالعانى تاپسىردى. قازاقستان وكىلى ارىپتەستەرىن ۇقشۇ-دا قازاقستان پرەزيدەنتى نۇرسۇلتان نازارباەۆتىڭ باستامالارىن قولداعاندىقتارى ءۇشىن العىس ايتىپ, ءوزارا ءتيىمدى ىنتىماقتاستىققا سەنىم ءبىلدىردى.
ەستەرىڭىزگە سالا كەتسەك, قازاقستاننىڭ ۇجىمدىق قاۋىپسىزدىك تۋرالى شارت ۇيىمىنداعى ارىپتەستەرى قاتارىندا ارمەنيا, بەلارۋس, قىرعىزستان, رەسەي جانە تاجىكستان بار.
