ء«بىرىنشى توقساننىڭ وزىندە تەگىن دارىلىك قامتاماسىز ەتۋ ءۇشىن جالپى پرەپاراتتاردىڭ 874 اتاۋى ساتىپ الىندى. 90 كۇندىك قاجەتتىلىكتى قامتاماسىز ەتۋ ءۇشىن 13,3 ملرد تەڭگە بولاتىن 328 ءتۇرلى ءدارى-دارمەك پەن مەديتسينالىق ماقساتتاعى بۇيىمدار ساتىپ الىندى. ولار 2018 جىلدىڭ ءبىرىنشى توقسانىندا ەلدىڭ مەديتسينالىق مەكەمەلەرىنە جەتكىزىلەدى», دەلىنگەن حابارلامادا.
پرەپاراتتارعا ەڭ تومەنگى باعا ۇسىناتىن 24 كومپانيا 2018 جىلدىڭ قاڭتار ايىنىڭ باسىندا بىرىڭعاي ديستريبيۋتوردىڭ قويمالارىنا دارىلىك زاتتاردى جەتكىزۋدى باستايدى. باعانى تومەندەتۋ جونىندەگى كەلىسسوزدەردىڭ قورىتىندىسى بويىنشا بىرىڭعاي ديستريبيۋتور 1,7 ملرد تەڭگەگە جەڭىلدىككە قول جەتكىزدى. اۋرۋحانالار بۇل اقشانى قوسىمشا دارىلەرگە جۇمساي الادى.
ايتا كەتۋ كەرەك, قازىرگى كەزدە ءدارى-دارمەكتەر وتاندىق وندىرۋشىلەرمەن, تىكەلەي كەلىسىمشارتتار بويىنشا شەتەلدىك وندىرۋشىلەردەن جانە تەندەر ارقىلى ساتىپ الىنعان كەلىسىمشارتتار اياسىندا سك-فارماتسيا قويمالارىنا جەتكىزىلە باستادى.
ءدارى-دارمەكتەردىڭ تاعى 15 ءتۇرى حالىقارالىق ۇيىمدار - يۋنيسەف پەن بۇۇ دب كەلىسىمشارتتى بويىنشا جەتكىزىلەدى. وسىلايشا, بۇگىنگى كۇنى ءدارى-دارمەكتىڭ 881 ءتۇرى ساتىلىپ الىندى. قازاقستاندىقتاردى ءدارى-دارمەكپەن قامتاماسىز ەتۋدە كىدىرىس بولماۋى ءۇشىن, ۇكىمەت بىرىڭعاي ديستريبيۋتوردىڭ ساتىپ الۋ راسىمدەرىن رەتتەيتىن قاعيدالارىنا وزگەرتۋ ەنگىزۋ تۋرالى شەشىم قابىلدادى, وعان دارىلىك زاتتاردىڭ ءۇش ايلىق قاجەتتىلىگىن ءبىر كوزدەن ساتىپ الۋ مۇمكىندىك بەرە وتىرىپ - مۇنداي راسىمدەر قازاقستاندىق ناۋقاستار ءۇشىن تەگىن دارىلەر قول جەتىمدى بولۋىنا قىسقا مەرزىمدە ساتىپ الۋدى جۇزەگە اسىرۋعا مۇمكىندىك بەرەدى. ۇكىمەت قاۋلىسى بۇگىنگى كۇنى كۇشىنە ەندى جانە بىرىڭعاي ديستريبيۋتور ساتىپ الۋ راسىمدەرىنىڭ باستالۋىن دەرەۋ جاريالادى.
