سايىسقا ەلىمىزدىڭ 5 وبلىسىنان 30-دان استام سپورتشى قاتىستى. قىسقى سپارتاكيادادا ەسىمدەرى ەلىمىزگە عانا ەمەس, الەمگە ايگىلى يۋليا گالىشەۆا, دميتري رەيحەرد, پاۆەل كولماكوۆ سىندى تاجىريبەلى سپورتشىلار دا ونەر كورسەتتى.
وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتىنىڭ تاراتقان مالىمەتتەرىنە سەنسەك, جارىستا ۇزدىك ناتيجە كورسەتكەن فريستايلشىلار قاڭتار ايىنىڭ 1 كۇنى كانادانىڭ كالگاري جانە اقش-تىڭ سولت-لەيك-سيتي قالالارىندا وتەتىن الەم كۋبوگىنە جول تارتادى. الەم كۋبوگىندە جۇلدەلى ورىنداردان كورىنگەن سپورتشىلاردان كورەيانىڭ پحەنچحان قالاسىندا وتەتىن قىسقى وليمپيادا ويىندارىندا ەل نامىسىن قورعايتىن قۇراما جاساقتالماق. ەكى كۇنگە سوزىلعان فريستايلشىلار باسەكەسىندەگى جەڭىمپازدار مەن جۇلدەگەرلەر ەسىمىن نازارلارىڭىزعا ۇسىنۋدى ءجون كورىپ وتىرمىز.
ەرلەر اراسىنداعى قورىتىندى:
1 ورىن - د.رەيحەرد.
2 ورىن - پ.كولماكوۆ.
3 ورىن - د.بارماشوۆ.
ايەلدەر اراسىنداعى قورىتىندى:
1 ورىن - يۋ.گالىشەۆا.
2 ورىن - ا.امىرەنوۆا.
3 ورىن - و.گراۋر.
ايەلدەر اراسىندا جۇپتىق موگۋل قورىتىندىسى:
1 ورىن - يۋ.گالىشەۆا.
2 ورىن - ا.امىرەنوۆا.
3 ورىن - ا.گورودكو.
ەرلەر اراسىندا جۇپتىق موگۋل قورىتىندىسى:
1 ورىن - د.رەيحەرد.
2 ورىن - پ.كولماكوۆ.
3 ورىن - د.بارماشوۆ.
كوماندالىق موگۋل قورىتىندىسى:
1 ورىن – شىعىس قازاقستان وبلىسى.
2 ورىن - الماتى وبلىسى.
3 ورىن - الماتى قالاسى.
ازامات قاسىم,
«ەگەمەن قازاقستان»
شىعىس قازاقستان وبلىسى
