جاستارمەن تىلدەسۋ بارىسىندا اكىم تاۋەلسىزدىك جىلدارى ون مىڭداعان جاس الەمنىڭ ماڭدايالدى ۋنيۆەرسيتەتتەرىندە «بولاشاق» باعدار¬لاماسىمەن ءبىلىم العانىن, ونىڭ ىشىندە 400-گە جۋىق وڭتۇستىكقازاقستاندىق جاستاردىڭ دا بار ەكەنىن اتاپ ءوتتى.
– ال جاڭا بۋىنعا تىڭ سەرپىلىس بەرىپ كەلەتىن «سەرپىن» باعدارلاماسىمەن 17 مىڭعا جۋىق ستۋدەنت سولتۇستىك ايماقتارداعى كاسىپتىك جانە جوعارى وقۋ ورىندارىندا وقىپ جاتىر. ونداعى رەسپۋبليكالىق گرانتتىڭ 50 پايىزى وبلىس جاستارىنىڭ ەنشىسىندە. وسىلايشا, ءوڭىر جاستارى ەلباسىمىزدىڭ تىكەلەي باستاماسىمەن جۇزەگە اسىرىلعان جوباعا بارىنشا قولداۋ بىلدىرۋدە. ولاردىڭ ىشىنەن 2016-2017 جىلدارى تەحنيكالىق جانە اۋىلشارۋاشىلىعى ماماندىقتارى بويىنشا وقۋىن بىتىرگەن 346 ستۋدەنتتىڭ 189-ى تۇراقتى جۇمىسقا قابىلداندى»,-دەدى اكىم.
جىل اياعىندا بارلىق سالاداعى جۇمىستاردى قورىتىندىلاپ, ساراپتاما جاساۋ داستۇرگە اينالعانىن ايتقان ايماق باسشىسى جىل سوڭىندا وبلىستاعى جۇمىسشى جاستاردىڭ باسىن قوسىپ, ەڭبەكشى جاستاردى قوعامعا تانىتۋدى ءجون كوردىك دەدى.
«ەلباسىمىز نۇرسۇلتان ءابىش ۇلى نازارباەۆ ءوزىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا جاڭعىرۋدىڭ ەڭ باستى شارتى – ۇلتتىق كودىڭدى ساقتاي ءبىلۋ. ونسىز جاڭعىرۋ دەگەنىڭىزدىڭ قۇر جاڭعىرىققا اينالۋى وڭاي ەكەنىن اتاپ وتكەن بولاتىن. ولاي بولسا ەلدىگىمىزدى ساقتاپ, ۇلتتىق كودىمىزدى جاڭعىرتۋ جولىندا ايانباي ەڭبەك ەتۋگە شاقىرامىن. سىزدەرگە تەك ەڭبەكتە عانا ەمەس, تاۋەلسىز ەلىمىزدىڭ ماقتانىشىنا اينالىپ, ءومىردىڭ بارلىق سالالارىندا ۇلكەن جەتىستىكتەرگە جەتۋلەرىڭىزگە شىن جۇرەكتەن تىلەكتەسپىن!»,-دەگەن وبلىس اكىمى جۇمىسشى جاستارعا العىسىن ءبىلدىردى.
