«2017 جىلى قاشىقتىعى 44,3 شاقىرىمدى قۇرايتىن 66 كوشەنىڭ قۇرىلىسى جۇرگىزىلدى جانە 43,3 شاقىرىم بولاتىن 49 كوشەگە جوندەۋ جۇمىسى جۇرگىزىلدى. بۇگىنگى تاڭدا 19 كوشەنىڭ قۇرىلىسى جۇرگىزىلۋدە. قالادا 24 كوپىر بار جانە تاعى ەكى اۆتوكولىك كوپىرى سالىنۋدا», - دەدى اكىمدىكتە.
قالا بيلىگىمەن كولىك كەشەنىن جوعارى وتكىزۋ قابىلەتىمەن باسقارۋدىڭ جاڭا مودەلى ەنگىزىلىپ جاتىر.
«2017 جىلى 380 اۆتوبۋس ساتىلىپ الىندى. 24 قالالىق باعدار قوسىمشا كولىكپەن كۇشەيتىلدى, 43 باعدار جاڭعىرتىلىپ, 2 تۇنگى باعدار ىسكە قوسىلدى. اۆتوترافيكتى باسقارۋ ورتالىعى تاۋلىك بويى جۇمىس ىستەۋ رەجيمىنە اۋىستى», دەلىنگەن حابارلامادا.
قازىرگى ۋاقىتتا قالالىق تاسمالداۋدا ASTRA PLAT جولاقىنى تولەۋدىڭ ەدەكتروندى جۇيەسى جۇمىس ىستەيدى: 10 مامانداندىرىلعان كاسسا مەن كولىك كارتاسىن تولتىرۋدىڭ 30 ارنايى اۆتوماتى بار.
قوعامدىق كولىككە ارنالعان Bus Lane ارنايى بەلگىلەنگەن جولاعىن ەنگىزۋ جۇمىسى جالعاسۋدا. وسى جىلى قوسىمشا 12 اۋماققا قاشىقتىعى 75 شاقىرىم بولاتىن 11 جولاق قوسىلدى. بۇدان بولەك اعىمداعى جىلدىڭ ماۋسىم ايىنان بەرى رەسمي تاكسي قىزمەتىنە Bus Lane بەلگىلەنگەن جولاعىمەن جۇرۋگە رۇقسات بەرىلدى.
9 مىڭ اقىلى تۇراق ورنى مەن بىرقاتار كوشەلەردە بىرجاقتى قوزعالىس ەنگىزۋ جوسپارى بار. قوسىمشا 54 قيىلىس ترافيكتى باسقارۋدىڭ بىرىڭعاي جۇيەسىنە قوسىلدى.
2018 جىلى تۇران, قابانباي باتىر جانە ماڭگىلىك ەل داڭعىلدارىنداعى كولىك جۇكتەمەسىن ازايتۋ ءۇشىن ۇلى دالا كوشەسىنىڭ قۇرىلىسى باستالدى: بەيسەكوۆا كوشەسىنەن تۇران داڭعىلىنا دەيىن جانە تاۋەلسىزدىك داڭعىلىنان قالداياقوۆ كوشەسىنە دەيىن.
سونىمەن بىرگە, تاۋەلسىزدىك داڭعىلىندا № 46 كوشەدەن № 31 كوشەگە دەيىنگىك اۋماقتا قۇرىلىس جۇمىسى باستالدى, ول تاۋلىگىنە 10 مىڭ كولىكlكە ماڭگىلىك ەل داڭعىلىنان قالانىڭ وڭتۇستىك-شىعىس بولىگىنە كەدەرگىسىز قاتىناۋىنا مۇمكىندىك بەرەدى.
