تاجىريبە الماستى

كەشە باس پروكۋراتۋرادا گەر­مانيا پروكۋرورلارىنىڭ, قا­زاقستاننىڭ مەملەكەتتىك ور­گان­دارى جانە وقۋ ورىندارى وكىل­دەرىنىڭ قاتىسۋىمەن «قا­زىر­گى قو­عامداعى جاڭا قاۋىپ-قاتەرلەرگە قار­سى تۇرۋدىڭ وزەك­تى ماسەلە­لە­رى» تاقىرى­بىن­دا عىلىمي-پراك­تي­كالىق كون­فەرەنتسيا بولىپ ءوتتى. وندا حا­لىق­ارالىق لاڭكەستىك پەن ەكس­ترەميزمگە, كيبەرقىل­مىس­قا, سو­نىمەن قاتار, گەرما­نيانىڭ اتالعان قىلمىستارعا قارسى كۇرەسۋ تاجىريبەسى ءجونىن­دەگى ماسەلەلەر تالقىلاندى. سوڭعى ونجىلدىقتا لاڭ­كەس­تىكتىڭ جەرگىلىكتى پروبلەمادان جاھاندىق پروبلەمالارعا اينا­لىپ, بۇگىنگى كۇنى ءاربىر مەم­لە­كەتتىڭ ۇلتتىق قاۋىپ­سىز­دىگىنە قاۋىپ تۋعىزىپ وتىرعا­ن­دىعى اتاپ ءوتىلدى. سونداي-اق, كيبەر­قىل­مىسپەن كۇرەستىڭ حا­لىق­ارا­لىق تاجىريبەسى دە تال­قىلاندى. جوعارى تەحنولو­گيا­لاردى پايدالانۋ ارقىلى كوپ­تەگەن قىل­مىستار جاسالادى. ونىڭ ارا­سىندا قارجىنى جى­لىستاتۋ, ادام ساتۋ, قارۋ-جاراق ساۋداسى, الاياقتىق جانە تاعى باسقالار بار. لاڭكەستىك جانە ەكسترە­ميس­تىك يدەولوگيالار­دىڭ زاڭسىز تاراتىلۋىنا عا­لام­تور كەڭىنەن پايدالانىلىپ وتىر. كونفەرەنتسيا قورىتىن­دى­سى بويىنشا قازاقستان مەن گەرمانيا قۇقىق قورعاۋ ورگان­دارىنىڭ اراسىندا تاعىلىم­دا­مادان ءوتۋ ارقىلى قىل­مىسپەن كۇرەس جونىندە ءتاجى­ريبە الماسۋ تۋرالى شەشىم قا­بىلداندى, دەپ حابارلادى باس پرو­كۋرا­تۋ­رانىڭ ءباسپاسوز قىز­مەتى.