الماستىڭ جۇزىندەي سيقىرلى ساياساتتا بولسىن, كۇندەلىكتى تىنىس-تىرشىلىگىمىزدىڭ وڭتايلى ورنىقتىلىعىندا بولسىن, قارشىنداي قادام باسقان ەكونوميكالىق سالاداعى وركەندى وسۋىمىزدە بولسىن ەلىمىز جۇزجىلدىقتارعا پارا-پار كەزەڭدەردى باسىپ ءوتتى, ەرلىككە تولى ەرەن ىستەردىڭ باسىن قايىردى. بۇگىندە ۇلى دالانى مەكەن ەتكەن, ۇلان-بايتاق ۇلىسىمىزدى جاھان تانيدى, الەم مويىندايدى, كۇللى دۇنيە قۇرمەت تۇتادى.
بۇل – كورەگەن كوشباسشى, ەل كوسەمى نۇرسۇلتان ءابىش ۇلى نازارباەۆتىڭ سارابدال ساياساتىنىڭ ارقاسى, ەلى سۇيگەن, ەلىن سۇيگەن ەلباسىنىڭ جانكەشتى ەڭبەگى, ۇلى بيىكتەردى باعىندىرۋعا باعىتتالعان تۇڭعىش پرەزيدەنتىمىزدىڭ سۇڭعىلا مۇرات-جوسپارلارىنىڭ شىنايىلىعى.
وسىنداي مىڭ-سان كەلەلى ءىس, كەمەل شارۋانىڭ كۋاسىندەي جازى اپتاپ, قىسى قاتقاق وڭتۇستىكتە جەتىساي –شاردارا تاس جولى, جاڭاشا قاتىناس داڭعىلىنىڭ قىرۋار جۇمىسى باستالىپ كەتتى. 360 مىڭداي تۇرعىنى بار ماقتاارال اۋدانى مەن 100 مىڭعا تاقاۋ حالقى بار شاردارا ءوڭىرىنىڭ اراسىن جالعاستىراتىن 80 شاقىرىمدىق شىن مانىندەگى ءومىر جولى اۋىلى ارالاس, قويى قورالاس قوس ايماقتىڭ قان تامىرىنا قۋات, قارىم-قاتىناسىنا قارقىن بەرىپ, تۇرمىس-تىرشىلىگىن نۇرلاندىرا, شۋاقتاندىرا تۇسەتىنى اقيقات. بۇرىندارى كورشى ەلگە جالتاقتاپ, اينالما جولمەن 200 شاقىرىمداي بەينەت كەشىپ, اعايىن-تۋىسپەن ارەڭ تابىسىپ جاتاتىن جۇرتشىلىق ەندى كۇن وتپەي قىسقا ءھام ايناداي اسەم تەگىس جولمەن ءجۇرىپ ءوتىپ, ۋاقىتتى دا, ءتۇرلى شىعىنداردى دا ۇنەمدەيتىن بولدىق.
ال قازىر جول قۇرىلىسىنا وسى اتىراپتىڭ جۇزدەگەن ازاماتى قامتىلىپ, ناپاقاسىن تاۋىپ جاتسا, سول باعىتتاعى قۋانقۇدىق, ەڭبەكشى, قاراساقال, 1 مامىر, داتقا اۋىلدارىنىڭ دا بويلارىنا قان جۇگىرىپ, اجارلانىپ سالا بەردى.
قىسقاسى, ەلباسى قولداپ-قۋاتتاعان جەتىساي – شاردارا تاس جولى بۇگىنگى بۋىنعا دا, كەلەشەك تولقىنعا دا قالتقىسىز قىزمەت ەتەتىنى ايدان انىق.
ء بىز ەل پرەزيدەنتىنىڭ تالاپ-تاپسىرمالارىن مۇلتىكسىز ورىنداپ جۇرگەن, ۇلتجاندى ازامات, جاۋاپتى قىزمەتكەر, وڭتۇستىكتىڭ تۋماسى يسلام ابىشەۆتىڭ دە وسى تاس جولدى سالۋ ىسىندەگى ۇيىمداستىرۋشىلىق, ىسكەرلىك, بىلگىرلىك, قادىر-قاسيەتتەرىنە جوعارى باعا بەرىپ, جىلى ءىلتيپاتىمىزدى ءبىلدىرۋدى ءجون سانادىق.
حالىق يگىلىگى ءۇشىن باستاعان يگى شارا باياندى بولعاي!
ى.ساحوۆ, ق.ىلەسوۆ,
ش.سارىباەۆ, ق.مۇساەۆ,
ءى.شويبەكوۆ, ب.دارمەنشەەۆ,
و.ءابدىراحمانوۆ, ج.سەرىكباەۆ,
ر.سەيدازيموۆا, ت.ب.,
بارلىعى 97 ادام قول قويعان
وڭتۇستىك قازاقستان وبلىسى
