قۇقىق پەن بوستاندىققا ارنالدى

مەملەكەت باسشىسى جا­نىن­داعى ادام قۇقىقتارى ءجونىن­دە­گى كوميسسيا ەل تاۋەلسىزدىگىنىڭ 20 جىلدىعىنا ارناپ «ادام قۇ­قىقتارىن قورعاۋدىڭ حالىق­ارا­لىق جانە ۇلتتىق تەتىكتەرى تۋ­را­لى» حالىقارالىق دوڭگەلەك ۇستەل وتكىزدى. دوڭگەلەك ۇستەلدىڭ جۇمى­سى­نا پرەزيدەنت اكىمشىلىگىنىڭ, زاڭ شىعارۋشى, اتقارۋشى جانە سوت بيلىگى وكىلدەرى, ادۆوكاتتار, بەلگىلى زاڭگەر-عالىمدار, حالىق­ارا­لىق ۇيىمدار مەن ديپلو­ما­تيا­لىق وكىلدىكتەردىڭ باسشى­لا­رى, ءبىلىم بەرۋ, عىلىم جانە ءما­دە­نيەت, دەنساۋلىق ساقتاۋ ۇي­ىم­دارىنىڭ, سونداي-اق ۇكىمەتتىك ەمەس ۇيىمداردىڭ وكىلدەرى, «اس­تانا» ۋنيۆەرسيتەتىنىڭ وقى­تۋ­شى­لارى مەن ستۋدەنتتەرى قاتىستى. وندا كوميسسيا توراعاسى ساعىنبەك تۇرسىنوۆ, «استانا» ۋنيۆەرسيتەتىنىڭ رەكتورى ەركىن وڭعارباەۆ, ەقىۇ-نىڭ استانا­دا­عى ورتالىعى باسشىسىنىڭ ورىنباسارى جاننەت كلەتتسەر حانىم, ۇلىبريتانيانىڭ قا­زاق­ستانداعى ەلشىسىنىڭ ورىنباسارى دجون تەرلوۋ مىرزا ءسوز سويلەدى. ولار قازاقستاننىڭ ادام قۇ­قىقتارىن ساقتاۋ مەن قور­عاۋ­دا جانە دەموكراتيالىق نەگىز­دەر­دىڭ ىرگەتاسىن قالاۋدا جەتكەن جەتىستىكتەردى اتاپ ءوتىپ, بىرىككەن ۇلتتار ۇيىمىنىڭ ادام قۇقىقتارىن قورعاۋعا قاتىستى قابىلداعان 60-تان استام كوپ­جاقتى امبەباپ كەلىسىم-شارت­تا­رىن راتيفيكاتسيالاعانىن ايت­تى. قازاقستان راتيفيكاتسيالاعان ازا­ماتتىق جانە ساياسي ەكو­نو­ميكالىق, الەۋمەتتىك جانە مادە­ني قۇقىقتار تۋرالى پاكتىلەر جانە بۇۇ-نىڭ ادام قۇقىقتارى سالاسىنداعى باسقا دا شارتتارى ەلىمىزدىڭ ۇلتتىق زاڭناماسىنىڭ اجىراماس ءبىر بولىگى بولىپ سانالادى. قازاقستاندى الەم ەلدەرى نارىقتىق ەكونوميكاسى دا­مىعان, دەموكراتيالىق ءۇردىس­تەر­دى ىلگەرىلەمەلى تۇردە ىسكە اسى­رىپ جاتقان, ادام قۇقىق­تارى مەن بوستاندىقتارىن جو­عارى قۇندىلىق رەتىندە سا­ناي­تىن ەل رەتىندە تانىپ وتىر. دوڭگەلەك ۇستەلگە قاتى­سۋ­شى­لار ەلىمىزدەگى ادام قۇقىق­تارىن قورعاۋدى ودان ءارى جاق­سار­تا ءتۇسۋ ءۇشىن مەملەكەتتىك ورگاندار مەن ۇكىمەتتىك ەمەس ۇي­ىمداردىڭ كۇشتەرىن بىرىكتىرە وتىرىپ, ادام قۇقىقتارى مەن بوستاندىقتارىن قورعاۋ جانە قام­تاماسىز ەتۋ جونىندەگى تۇ­جى­رىمداما نەمەسە ادام قۇ­قىق­تارىن قورعاۋدىڭ جاڭا ۇلتتىق ءىس-قيمىل جوسپارىن ازىرلەۋ كەرەكتىگىن ايتتى. «ەگەمەن-اقپارات».