مەديتسينالىق جاڭا نىسان - ومىرتقا مەن بۋىن جولدارى اۋرۋلارىنىڭ الدىن الۋ جانە وڭالتۋ قىزمەتتەرىن جۇزەگە اسىرادى.ورتالىق تاۋلىگىنە 80 ناۋقاسقا مەديتسينالىق قىزمەت كورسەتۋگە قاۋقارلى. دارىگەرلىك جانە مەدبيكەلىك ءىس بويىنشا 12 ماماندى جۇمىسپەن قامتىپ وتىر. عيماراتتىڭ قۇرىلىسىنا 700 مىڭ اقش دوللارى جۇمسالعان.
مەملەكەتتىك ەمدەۋ-ساۋىقتىرۋ ۇيىمدارىمەن قاتار, جەكەمەنشىك ەمحانالاردىڭ باسەكەگە قابىلەتتى بولۋى - حالىققا كورسەتىلەتىن مەديتسينالىق كومەكتىڭ ساپاسىن ارتتىرادى. سوندىقتان ايماقتا وسىنداي ۇيىمدار جىل ساناپ ارتۋدا. سونىڭ ءبىرى – «نەيرون» جاۋاپكەرشىلىگى شەكتەۋلى سەرىكتەستىگى. بۇگىن اتالمىش ورتالىق ءورىسىن كەڭەيتتى.
بۇتىندەي قوس شاعىناۋدان جۇرتشىلىعىنا 5 جىلدان بەرى مەملەكەتتىك ساقتاندىرىلعان تەگىن مەديتسينالىق كومەك كورسەتەتىن جەتەكشى ورتالىق - 4 قاباتتى جاڭا, زاماناۋي عيماراتتا قىزمەتىن جالعاستىرماق.
«نەيرون» مەديتسينالىق ورتالىعىندا 285 مامان حالىق يگىلىگىنە قىزمەت ەتۋدە. ونىڭ 25-ءى ارنايى شاقىرتىلعان دارىگەرلەر, 2 مەديتسينا عىلىمدارىنىڭ كانديداتى. سونىمەن قاتار, جاڭا عيماراتتى پايدالانۋعا بەرۋ ارقىلى, قوسىمشا 50 جاڭا بوس جۇمىس ورنىمەن تولىقتى.
-ەلباسى نۇرسۇلتان ءابىش ۇلى نازارباەۆ ۇسىنعان ۇلتتىق جوسپار مەن باعدارلامالار نەگىزىندە, ەلدەگى مەديتسينا سالاسى دامۋدىڭ جاڭا كوكجيەگىندە. بيىلدان باستاپ قازاقستان اۋماعىندا مىندەتتى مەديتسينالىق ساقتاندىرۋ جۇيەسى ىسكە اسىرىلسا, مەديتسينالىق كومەكتىڭ ساپاسىن ارتتىرۋداعى باستى قۇرال رەتىندە – مەملەكەتتىك-جەكەمەنشىك ارىپتەستىك اياسى ۇلعايا تۇسۋدە. ايماقتاعى ەمدەۋ-ساۋىقتىرۋ ىسىندە ساقتاندىرىلعان تەگىن مەديتسينالىق كومەك نەگىزىندە بىرقاتار جەكەمەنشىك ۇيىمدار حالىققا دارىگەرلىك كومەك كورسەتۋدى باستاپ كەتتى. سولاردىڭ قاتارىندا, «نەيرون» جاۋاپكەرشىلىگى شەكتەۋلى سەرىكتەستىگىنىڭ الەۋەتى زور. بۇگىندە اقتاۋ قالاسىنىڭ 4 مىڭنان استام تۇرعىنىن قامتيتىن مەديتسينالىق كەشەن, جاڭا عيماراتقا كوشۋ ارقىلى بۇل, كورسەتكىشتى 15 مىڭعا جەتكىزۋدى جوسپارلاپ وتىر.اتاپ وتەتىن ءبىر ءجايت, سوڭعى جىلدارى ورتالىق بالالارداعى تسەرەبرالدى پاراليچ سىرقاتىنا اسا ءمان بەرىپ, وڭالتۋ بولىمشەسىن اشتى. قىزمەتتىڭ ساپاسىن باقىلاۋ ماقساتىندا «كوول-ورتالىق» جۇمىس جاسايدى» دەدى وبلىس اكىمى ە.توعجانوۆ.
سونداي-اق, بۇگىن كەكۋشينكاي كاراتەدەن اسكەري اۋلا كلۋبى اشىلدى. جاڭا نىساننىڭ نەگىزگى باعىتى - كەكۋشينكاي كاراتە سپورتىن دامىتۋ جانە ءوسىپ كەلە جاتقان وسكەلەڭ ۇرپاققا ناسيحاتتاۋ, سپورتشىلارعا, قالا تۇرعىندارعا سپورتپەن اينالىسۋعا جاعداي جاساۋ بولىپ تابىلادى. زالدا كۇنىنە 100 ادام جاتتىعا الادى. كۇنىنە 5 ادامدى جۇمىسپەن قامتىعان نىساننىڭ قۇرىلىسىنا 10 ملن.تەڭگە جۇمسالعان.
2017 جىلى اقتاۋدا «ماڭعىستاۋ ارەنا», «باتىر», «مەلوۆوي» سەكىلدى سپورت كەشەندەرىنىڭ سالىنعان بولاتىن. قازىرگى تاڭدا اقتاۋ قالاسىندا جاستاردى سپورتقا باۋلۋ ماقساتىندا ۆوركاۋت الاڭدارى جانە دە دەمەۋشىلەر ارقىلى كوشە ترەناجەرلەرى سالىنۋدا.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
