سەنات توراعاسى قىركۇيەكتەگى تاشكەنت پەن سامارقاند ساپارى بارىسىندا قازاقستان پارلامەنتىنىڭ دەلەگاتسياسىنا كورسەتىلگەن جىلى قابىلداۋلار ءۇشىن وزبەك تاراپىنا العىس ايتتى. ق.توقاەۆ اتاپ وتكەندەي, ساپار پارلامەنتارالىق ۇنقاتىسۋدى نىعايتۋ جانە ءوزارا ءىس-قيمىلدىڭ بارلىق سالالارى بويىنشا ەكىجاقتى ىنتىماقتاستىقتى كەڭەيتۋ تۇرعىسىنان ناتيجەلى بولدى.
سەنات توراعاسى وزبەكستان قازاقستاننىڭ ورتالىق ازياداعى ماڭىزدى ستراتەگيالىق ارىپتەسى ەكەنىن ايتا كەلىپ, ەكى ەل اراسىنداعى دوستىق قاتىناستاردى نىعايتۋعا پرەزيدەنتتەر ن.نازارباەۆ پەن ش.ميرزيەيوۆ زور ۇلەس قوسقانىن اتاپ ءوتتى. ق.توقاەۆ: «ەكونوميكالىق قارقىندى دامۋ, تۇراقتىلىق پەن بۇكىل ورتالىق ازيا ايماعىنىڭ قاۋىپسىزدىگى قازاقستان مەن وزبەكستاننىڭ ءوزارا تىعىز ءىس-قيمىلى مەن كەلىسىلگەن ارەكەتىنە بايلانىستى بولىپ وتىر», - دەدى.
ب. اليحونوۆ ءوز كەزەگىندە ءتۇرلى سالاداعى ەكىجاقتى قاتىناستاردى دامىتۋدىڭ قارقىندى سيپاتىن جوعارى باعالادى. ونىڭ پىكىرىنشە, ءبىزدىڭ مەملەكەتتەرىمىزدىڭ باسشىلارى قول جەتكىزگەن كەلىسىمدەردى ىسكە اسىرۋدا پارلامەنتتەر ماڭىزدى ءرول اتقارادى.
