ايتا كەتەيىك, وتكەن جىلى ورتالىق سىرعاناقتى وبلىس اكىمدىگىنىڭ الدىنا سالعان. سول كەزدە قۇيماتاستاردى اۋىستىرۋ جوسپارلانعان. جوندەۋ جۇمىستارىنان كەيىن بيلىكتەگىلەر سىرعاناقتى بۇرىنعى ورنىنا - قالالىق ساياباققا اشۋ تۋرالى شەشىم قابىلدادى.
پاۆلودار قالاسى دەنە شىنىقتىرۋ جانە سپورت ءبولىمىنىڭ باسشىسى ايبەك قابيەۆتىڭ ايتۋىنشا, بۇل جەر مۇز ايدىنى ءۇشىن تۇراقتى ورىنعا اينالادى. سىرعاناقتى قالا اكىمىنىڭ ورىنباسارى سايان مۇقانوۆ اشتى. ول مەرەكەگە وراي اكىمدىكتىڭ اتىنان جاس حوككەيشىلەرگە جاتتىعۋ فورماسىن سىيلادى.
- پاۆلوداردا 25 مۇز ايدىنى قۇيىلدى. بيىل بۇل ماقساتتا 8,9 ميلليون تەڭگەگە تراكتور ساتىپ الدىق. بۇعان قوسا, 20,5 ميلليون تەڭگەگە مۇز قۇيۋ ماشيناسىن ساتىپ الۋعا كونكۋرس ءوتتى. ەرەسەكتەر 400 تەڭگەگە, بالالار 200 تەڭگەگە سىرعاناي الادى. پاۆلودارلىقتار اۋقاتتانىپ جىلىنۋى ءۇشىن جانىندا كوفەحانا ورنالاسقان. كورتتىڭ اۋماعى - 30, 40 مەتر. بۇل ادەتتەگى حوككەي الاڭىنان كىشىرەك. دەگەنمەن بيلىك وكىلدەرى كەلەسى جىلى سىرعاناق ۇلكەن بولادى دەپ سەندىرۋدە, - دەدى پاۆلودار قالاسى دەنە شىنىقتىرۋ جانە سپورت ءبولىمىنىڭ باسشىسى.
