دەمالىس ساياباعىنىڭ قۇرىلىسى ەلباسىنىڭ «رۋحاني جاڭعىرۋ» باعدارلامالىق ماقالاسى اياسىندا جۇزەگە اسىرىلاتىن جوبالار تىزىمىنە ەندى. ساياباقتى اباتتاندىرۋ جانە كوگالداندىرۋ بىرنەشە ايعا سوزىلدى, ونى قازاقستاننىڭ تاۋەلسىزدىك كۇنى مەرەكەسىنە وراي قولدانىسقا بەردى. جوبا قۇنى جەرگىلىكتى مۇناي كومپانياسى ەسەبىنەن 72 ميلليون تەڭگەنى قۇرادى.
- دوسسور كەنتى ەلىمىزدەگى مۇناي سالاسى تاريحىنىڭ باستاۋى بولعاندىقتان ءبىز يگى ىستەن شەت قالمادىق. جەرگىلىكتى تۇرعىندار دەمالاتىن ورىن بولماعاندىقتان وسىنداي ساياباق سالىپ, بارلىق ەرەجەلەرگە ساي اباتتاندىرۋدى ءجون كوردىك,- دەيدى كومپانيا وكىلى راشيد وتاروۆ.
بۇگىنگى كۇنى اتىراۋ وبلىسىندا «رۋحاني جاڭعىرۋ» باعدارلاماسى اياسىندا 108 جوبا, قوسىمشا جوبالار مەن ءىس-شارالار جۇزەگە اسۋدا. ونىڭ ىشىندە قۇنى 4 ملرد 360 ملن تەڭگەنى قۇرايتىن 18 جوبانى جەرگىلىكتى دەمەۋشىلەر قارجىلاندىرادى.
- 2017 جىلعى 1 جەلتوقسانداعى ەسەپ بويىنشا جالپى قۇنى 4 ملرد. 391 ملن تەڭگەنى قۇرايتىن 69 جوبا جۇزەگە اسىرىلدى. قۇنى 4 ملرد 254 ملن تەڭگەنى قۇرايتىن 13 جوبا دەمەۋشىلەر ەسەبىنەن جۇزەگە استى,- دەپ حابارلادى وبلىستىق «رۋحاني جاڭعىرۋ» جوبالىق كەڭسەسىنىڭ باسشىسى رينات قۇلماعامبەتوۆ.
