بىراق 90-شى جىلدارعى ەكونوميكالىق داعدارىس كەزىندە بوساپ قالدى دا, ودان كەيىنگى جىلدارى كاسىپكەر ەۆگەنيا رىباكوۆا ساتىپ العان بولاتىن. 2013 جىلى كاسىپكەر عيماراتتى قالاعا وتەۋسىز نەگىزدە قايتارىپ بەردى دە, ونى مەملەكەتتىك جەكەمەنشىك ارىپتەستىگى شەڭبەرىندە قايتادان بالا باقشاعا ارناپ جوندەۋ جۇمىستارى باستالىپ كەتكەن. مەملەكەتتىك جەكەمەنشىك ارىپتەستەر قوستاناي وبلىستىق بالام باسقارماسى مەن «ەلدەنا-د» جاۋاپكەرشىلىگى شەكتەۋلى سەرىكتەستىگى بالا باقشانى جوندەۋ-جابدىقتاۋ جۇمىستارىنا 462 ميلليون تەڭگە جۇمسادى.
وسى بالا باقشانى ليساكوۆقا ساپارىندا وبلىس اكىمى ارحيمەد مۇحامبەتوۆ كەلىپ ارالاپ كوردى.
«تاۋەلسىزدىك مەرەكەسىنىڭ قارساڭىندا وبلىستا كوپتەگەن الەۋمەتتىك نىساندار اشىلىپ جاتىر. مۇنىڭ بارلىعى ەلباسىنىڭ تاپسىرماسىمەن جاسالىپ جاتقان جۇمىستار. بالا باقشا سونىڭ جارقىن مىسالى دەۋىمىزگە بولادى. ليساكوۆ قالاسىنداعى جاقسى جۇمىستار مۇنىمەن شەكتەلەيدى. قالادا ستاديون جاڭعىرتىلىپ, جازدا وبلىستىق سپارتاكيادا وسىندا وتەدى» دەدى ارحيمەد بەگەجان ۇلى.
ەكى قاباتتى بالا باقشا زاماناۋي تالاپتاردىڭ بارلىعىنا جاۋاپ بەرەدى. وندا مۋزىكا جانە دەنەشىنىقتىرۋ زالدارى, ۇيىقتايتىن, ويىن بولمەلەرى, پسيحولوگ, لوگوپەد كابينەتتەرى, مەديتسينالىق بلوك پەن ادىستەمەلىك كابينەتتەرى بار. اسحانا بلوگى مەن كىر جۋاتىن بلوك ءوز الدىنا. مۇندا 1 جاستان 6 جاسقا دەيىن 11 توپ اشىلاتىن بولادى. 77 ادام جۇمىس ورنىن تاپتى.
«وسى بالالار باقشاسىنىڭ اشىلۋىنا وراي ءبىز ليساكوۆ قالاسىنداعى بۇلدىرشىندەر كەزەگىن تولىقتاي جويامىز. ەندى قالادا ەشقانداي وتباسى بالا باقشا كەزەگىنە تۇرمايدى. قالاداعى كەيبىر بالا باقشالاردا بۇلدىرشىندەر ورنى تىعىز بولاتىن, ەندى ولاردى دا وسى بالا باقشاعا اۋىستىراتىن بولامىز. مۇندا قازاق توپتارىن دا جابدىقتايمىز» دەيدى ليساكوۆ قالالىق وقۋ ءبولىمىنىڭ باسشىسى ەلەنا بۋردىكا.
ءنازيرا جارىمبەت
«ەگەمەن قازاقستان»
قوستاناي وبلىسى, ليساكوۆ قالاسى
