وسىلايشا 150 جىلدىق تاۋەلدىلىكتەن كەيىن قايتادان تاۋەلسىزدىگىمىزگە قول جەتكىزدىك.
ەلىمىز ەگەمەندىكتىڭ بەدەرىندە دە بارلىق قيىنشىلىقتار مەن قىسپاقتاردان ءوتتى. الەمدىك قوعامداستىق ساناساتىن كۇنگە جەتتى. ىرگەمىزدى بەكىتىپ, تاۋەلسىزدىگىمىزدى تۇعىرلى ەتۋ جولىندا ءىرى-ءىرى اۋقىمدى شارالارعا ۇيىتقى بولدىق. جاھاندىق بىتىمگەرشىلىك ىستەرگە باستاماشى بولدىق.
شىنداپ كەلگەندە تاۋەلسىزدىكتىڭ بىزگە وتە قىمباتقا تۇسكەنىن جاستارعا ايتا بەرۋىمىز كەرەك. قۇنىن تۇسىندىرە بەرگەن ءجون. ازاتتىقتان ارتىق بايلىق, ودان اسقان قۇندىلىق جوق. اتا-بابالاردان اماناتقا قالعان ارمانعا ءبىز وسى عاسىردا قولىمىز جەتتى.
حالقىمىزدىڭ كەلەشەگى مۇنان دا كەمەل بولۋى ءۇشىن ۇل-قىزدارىمىزدى ەلجاندىلىققا باۋلۋ, ەلشىل ەتىپ ءوسىرۋ پارىزىمىز. قازاق حالقى تۇركى حالىقتارىنىڭ نەگىزىن قۇرايتىن جۇرەكتى, داستارقانى كەڭ, نيەتى تازا ۇلت ەكەنىن ۇعىنىپ وسكەن ۇرپاعىمىز بۇكىل ماقساتىمىزدى العا اپارادى. عاسىرلارعا جالعايدى. بۇل ءۇشىن ءبىلىم مەن ءىلىم, زامانىنا تەڭەسكەن اقىل-وي يەلەرى كەرەك.
ەلىمىزدىڭ ەگەمەندىگى ماڭگىلىك, جاستارى ەلشىل, زيالىلارىمىز ءورشىل بولسىن!
مۇرات جۇرىنوۆ,
ۇلتتىق عىلىم اكادەمياسىنىڭ
پرەزيدەنتى, اكادەميك
