جۇمىس ساپارىمەن وسىندا كەلگەن وبلىس اك ءىمى ارحيمەد مۇحامبەتوۆ جاڭا استىق قابىلداۋ قويماسىمەن قاتار گۇلسارا جامانقۇلوۆا باسقاراتىن «جىتىقارا-استىق ترەيد» سەرىكتەستىگىنىڭ ءوفيسىن دە تاماشالادى. ونىڭ ءبىرىنشى قاباتىندا استىق قابىلدايتىن زاماناۋي تارازى ونالاسقان. جۇمىسشىلار تازا, جىلى جەردە وتىرىپ, جۇمىس ىستەيدى. استىق قابىلداۋ قويماسى 15 ادامعا جۇمىس بەرىپ وتىر. كاسىپورىن استىق ساقتاۋ قويماسىن سالۋعا 280 ميلليون تەڭگە قارجى جۇمسادى.
«اۋداندا ەلەۆاتوردىڭ جاعدايى قيىن بولدى. استىقتى الىسقا, قالاعا تاسىعان سوڭ, ول بيدايدىڭ وزىندىك قۇنىنا دا كەرى ىقپال ەتكەنى ءسوزسىز. مىنە, جاقسى جوبا جۇزەگە اسىرىلدى, ەندى استىقتى وسىندا ساقتاپ, ساتا بەرەسىزدەر» دەدى ارحيمەد بەگەجان ۇلى.
«جىتىقارا-استىق ترەيد» كاسىپورنى وسى جەردەن تاعى ءبىر وسىنداي قويمانىڭ قۇرىلىسىن باستادى.
ءنازيرا جارىمبەت
«ەگەمەن قازاقستان»
قوستاناي وبلىسى,
جىتىقارا اۋدانى
