قىتايداعى قازاقتىلدى كينو يندۋستريانىڭ دامۋىنا ەرەكشە ۇلەس قوسقان, قازاقتىلدى تەلەارنا قالىپتاستىرۋعا ۇزاق جىل جۇمىس ىستەگەن, ەلىمىز تاۋەلسىزدىك العاننان كەيىنگى ۋاقىتتا اتامەكەنگە ورالىپ, قازاق تەلەۆيزياسى مەن قازاق كينوونەرىنە ەرەن ەڭبەك سىڭىرگەن تالانتتى رەجيسسەر, اۋدارماشى اسەمعازى قاپان ۇلى دۇنيەدەن ءوتتى.
اسەمعازى قاپان ۇلى 1968 جىلى 15 تامىزدا ومىرگە كەلگەن.
ول ەلگە كەلگەن سوڭ «حابار», «جەتىنشى ارنا», «قازاقستان» ۇلتتىق تەلەارنالارىندا دۋبلياج بولىمدەرىندە وزىندىك قولتاڭباسىن قالدىرىپ قانا قويماي, «كۇلتەگىن» سىندى بىرنەشە تاريحي-ەكسپەديتسيالىق فيلمدەرمەن قاتار تاڭجارىق اقىنعا, «كوك تۋىدىڭ جەلبىرەگەنى» ءانىنىڭ اۆتورى ەرمۇرات زەيىپحانعا ارنالعان بىرنەشە ومىردەرەكتىك فيلم تۇسىرگەن.
ونىڭ جۋرناليستىك, جازۋشىلىق قىرى ءوز الدىنا ول وتە تالانتتى اۋدارماشى ەدى. لي باي باستاعان قىتايدىڭ ەجەلگى ءداۋىر ولەڭدەرىن كونە جازۋ ۇلگىسىنەن اۋدارىپ «الەم ادەبيەتى» جۋرنالىنا ۇنەمى جارىق كورىپ تۇردى.
مارقۇمنىڭ جانى ءجانناتتا, توپىراعى تورقا بولسىن! وتباسى, جاقىندارىنا قايعىرىپ كوڭىل ايتامىز.
