اكىمنىڭ ايتۋىنشا, ونەركاسىپ ونىمدەرىنىڭ ءوندىرىس كولەمى- 409 ملرد 249 ملن. تەڭگەنى قۇراپ, وتكەن جىلدىڭ ءتيىستى كەزەڭىمەن سالىستىرعاندا 52 ملرد. 429 ملن. تەڭگەگە كوبەيگەن.
ەسەپتى كەزەڭدە اۋداندا 3625,2 مىڭ توننا شيكى مۇناي ءوندىرىلىپ, وبلىس كولەمىنىڭ 24,3% قۇرادى.
1834 شاعىن كاسىپكەرلىك سۋبەكتىسى تىركەلىپ وتكەن جىلدىڭ سايكەس كەزەڭىمەن سالىستىرعاندا 196-گە كوبەيگەن. ونىڭ ىشىندەگى 151 زاڭدى تۇلعالار بولسا, 1683 جەكە تۇلعالار.
شاعىن كاسىپكەرلىكتە جۇمىسپەن قامتىلعانداردىڭ سانى 5470 ادامدى قۇراپ, 2016 جىلدىڭ ءتيىستى كەزەڭىمەن سالىستىرعاندا 459 ادامعا كوبەيگەن. كاسىپكەرلەردى قولداۋ باعىتىندا 69,6 ملن.تەڭگە كولەمىندە 14 ادامعا نەسيە بەرىلدى.
اۋداند اۋىلشارۋاشىلىق سالاسى ەكى باعىتتا: ەگىن جانە مال شارۋاشىلىعى بويىنشا دامۋدا. اۋدان بويىنشا 157 شارۋا قوجالىعى تىركەلگەن, ونىڭ 23 شارۋا قوجالىعى ەگىنمەن, ال 119 -ى مال شارۋاشىلىعىمەن اينالىسسا, 15 شارۋا قوجالىعى ەكەۋىمەن دە اينالىسادى. قازىرگى ۋاقىتتا 2 ا/ش كووپەراتيۆتەرى قۇرىلىپ, ەندى مەملەكەتتىك باعدارلاما اياسىندا دامۋ جوسپارلارىن قارجىلاندىرۋ پىسىقتالۋدا.
-اۋدان شارۋاشىلىقتارى بويىنشا 10 ايمەن مال مەن قۇستىڭ بارلىق ءتۇرىن تىرىدەي سالماقتا ەتكە وتكىزۋ 6,4 پايىزعا, ساۋىلعان ءسۇت- 16,7 پايىزعا, تاۋىق جۇمىرتقاسى ءونىمى- 88,5 پايىزعا وسكەن. مال باسى بويىنشا: ءىرى قارا مال- 2340 باس, 121 پايىز; قوي- 37133 باس, 110 پايىز; ەشكى- 14630 باس, 128,9 پايىز, جىلقى- 10098 باس, 125,3 پايىز, تۇيە- 6204 باس, 99,3 پايىز;, قۇس- 2428 باس, 172,1 پايىز بولدى. تىركەلگەن جۇمىسسىزدار سانى – 316 ادامدى قۇرادى. ونىڭ ىشىندە جۇمىسسىزدار رەتىندە تىركەلگەندەر ناقتى سانى- 134, وتكەن جىلى 11 اي ىشىندە 168 ادام بولعان ەدى. قالعان 182 ادام جۇمىسپەن قامتۋ اقپاراتتىق جۇيەسىنە وزگەرىس ەڭگىزىلۋىنە بايلانىستى ۋاقىتشا جۇمىستار, الەۋمەتتىك جۇمىس ورىندارى, جاستار پراكتيكاسى, ايدىڭ اياعىنا قالدىرىلعان جۇمىسسىزدار ەسەبىندە تۇرعاندار, دەدى ت.اساۋوۆ.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
