«بۇگىنگى كۇنى قور «تسەنتركرەديتبانكى» جانە «نۇربانكپەن» نەسيە كەلىسىمىنە قول قويدى. الداعى ۋاقىتتا «Kassa Nova بانكى» مەن «Forte Bank» جانە «KMF» ميكروقارجى ۇيىمىمەن جالپى سوماسى 48 ملرد تەڭگەگە كەلىسىمگە قول قويىلادى. بانكتەر بۇل قاراجاتتى ەكونوميكانىڭ بارلىق سالالارىنداعى ميكرو, شاعىن جانە ورتا كاسىپكەرلىك سۋبەكتىلەرىنە اينالىم قاراجاتىن تولتىرۋ, نەگىزگى قۇرالداردى جاڭارتۋعا جۇمسايدى. سونداي-اق باسقا بانكتەن العان نەسيەلەردى قايتا قارجىلاندىرۋعا دا بولادى. ءبىر بورىشكەردىڭ قولىنا 1 ملرد 80 ملن تەڭگەگە دەيىن, نارىقتىق نومينالدى سىياقى مولشەرلەمەسىمەن, جىلىنا 15% پايىزدان اسپايتىن ەتىپ, 36 ايعا دەيىن بەرىلەدى»,-دەدى «دامۋ» كاسىپكەرلىكتى دامىتۋ قورى» اق باسقارما توراعاسىنىڭ ورىنباسارى داۋلەت ابىلقايىروۆ.
سونىمەن قاتار ول, «دامۋ» قورى 2011 جىلى ازيا دامۋ بانكىنەن 500 ملن اقش دوللارى كولەمىندەگى (107,2 ملن تەڭگە) زاەمدى ءۇش ترانش ارقىلى 2011, 2014, 2015 جىلدارى مەملەكەتتىڭ كەپىلدىگىمەن العانىن تىلگە تيەك ەتتى.
«قارىز سالالىق شەكتەۋسىز بەرىلدى. ءۇش ترانشتى دا يگەرۋ ناتيجەسىندە 210,9 ملرد تەڭگەنىڭ 2 مىڭ جوباسىنا قولداۋ كورسەتىلدى. 2016 جىل سوڭىندا 4 844 جۇمىس ورنى پايدا بولدى. مۇنىمەن قاتار, «دامۋ» قورى وتاندىق كاسىپكەرلەردى قولداۋ اياسىن كەڭەيتۋ ءۇشىن ەۋروپا قايتا قۇرۋ جانە دامۋ بانكى, ەۋروپا ينۆەستيتسيا بانكى جانە «Al Hilal يسلام بانكى» اق سەكىلدى حالىقارالىق قارجى ۇيىمدارىمەن تىعىز جۇمىس ىستەيدى»,-دەدى سپيكەر.
راۋان قايدار,
«ەگەمەن قازاقستان»
