يسلام ىنتىماقتاستىق ۇيىمىنىڭ سامميتىندە ول ءيزرايلدىڭ تەررورلىق ارەكەتتەرىن ايىپتاپ, اقش شەشىمىن قولدامايتىنىن ايتتى. ال پالەستينا باسشىسى ماحمۇد ابباس اقش بەيبىت پروتسەسكە قارسى شىقتى دەدى. سامميتتە سويلەگەن سوزىندە ول اقش-تىڭ شەشىمىن قابىلدامايتىنىن ايتتى. "اقش بۇل شەشىمى ارقىلى يزرايلدى جاقتايتىنىن كورسەتتى", دەدى ول.
2010 جىلى تۇركيا گازا سەكتورىندا يزرايلدىك اسكەريلەردىڭ 9 تۇرىك بەلسەندىسىن ولتىرگەنىنە قارسىلىق رەتىندە يزرايلمەن ديپلوماتيالىق قارىم-قاتىناستاردى ۇزگەن بولاتىن. ەكى مەملەكەتتىڭ ديپلوماتيالىق قارىم-قاتىناستارى 2016 جىلى قايتا جاندانا باستادى. تۇركيا باسشىسى رەجەپ تايىپ ەردوعان اقش پرەزيدەنتىنىڭ مالىمدەمەسىنە دەيىن دە يزرايلمەن قارىم-قاتىناستى ۇزەتىنىن ايتقان بولاتىن. سامميتتە سويلەگەن سوزىندە ول وسى سوزدەرىن ەسكە الدى.
ەردوعان مۇسىلمان مەملەكەتتەرىن ترامپتىڭ يەرۋساليمگە قاتىستى شەشىمىنە جاۋاپ بەرۋگە شاقىردى. "حالىقارالىق قۇقىق پەن ادىلدىكتى جاقتايتىن مەملەكەتتەر يەرۋساليمدى پالەستينانىڭ وكۋپپاتسيالانعان استاناسى رەتىندە مويىنداۋعا شاقىرامىن", دەدى ول. "بىزگە ورتاق ديپلوماتيالىق شەشىم كەرەك. ءيزرايلدىڭ پالەستينادان كوپتەپ جەر الۋىن توقتاتقانىمىز ءجون. يزرايل جۇرگىزىپ وتىرعان ساياساتتى قابىلداماۋ كەرەك", دەدى ءوز سوزىندە تۇركيا پرەزيدەنتى.
ەستەرىڭىزگە سالا كەتسەك, جاقىندا دونالد ترامپ يەرۋساليمدى ءيزرايلدىڭ استاناسى رەتىندە مويىنداپ, ەلدەگى اقش-تىڭ ەلشىلىگىن مەملەكەتتىڭ قازىرگى استاناسى تەل-اۆيۆتەن يەرۋساليمگە كوشىرەتىندىگى تۋرالى مالىمدەمە جاساعان بولاتىن. ساراپشىلار مەن ساياساتكەرلەردىڭ ايتۋىنشا, بۇل وڭىردەگى شيەلەنىستى ودان ءارى كۇردەلەندىرمەك. سەبەبى يەرۋساليم – يسلام, حريستيان جانە يۋدايزم دىندەرى ءۇشىن قاسيەتتى قالا. 1967 جىلعى التى كۇندىك سوعىس كەزىندە يزرايل بۇرىن يوردانيانىڭ باقىلاۋىندا بولعان يەرۋساليمنىڭ شىعىس بولىگىن باسىپ الىپ, ونى ءوز تەرريتورياسىنىڭ اجىراماس بولىگىنە اينالدىردى. ال پالەستيندىكتەر بولسا, شىعىس يەرۋساليمدى بولاشاق مەملەكەتتەرىنىڭ استاناسى بولادى دەپ وتىر. وسىلايشا, يەرۋساليمنىڭ زاڭدى مارتەبەسى سوڭعى ەلۋ جىلدا اراب-يزرايل شيەلەنىسىندەگى ەڭ داۋلى ماسەلەلەردىڭ بىرىنە اينالدى.
