ايدار ءارىپحانوۆتىڭ مەملەكەتتىك باسقارۋ جانە ەكونوميكالىق ساياسات سالاسىندا 20 جىلدان استام ەڭبەك تاجىريبەسى بار.
ايدار ءارىپحانوۆ قازاق مەملەكەتتىك باسقارۋ اكادەمياسىن بىتىرگەن, قر ءسىم ديپلوماتيالىق اكادەمياسىن ۇزدىك اياقتادى. «بولاشاق» پرەزيدەنتتىك باعدارلاماسىنىڭ اياسىندا كولۋمبيا ۋنيۆەرسيتەتىن ءبىتىرىپ, 2008 جىلى ەكونوميكالىق ساياساتتى باسقارۋ باعدارلاماسى بويىنشا مەملەكەتتىك اكىمشىلەندىرۋ ماگيسترى دارەجەسىن الدى.
ءار جىلدارى ول قر قارجى ۆيتسە-ءمينيسترى, قر پرەمەر-ءمينيسترى كەڭسەسى باسشىسىنىڭ ورىنباسارى, قر ەڭبەك جانە الەۋمەتتىك قورعاۋ ۆيتسە-ءمينيسترى, قر پرەمەر-ءمينيسترىنىڭ كەڭەسشىسى, قر اقپاراتتاندىرۋ جانە بايلانىس اگەنتتىگى توراعاسىنىڭ ورىنباسارى, «قازاقتەلەكوم» اق باسقارۋشى ديرەكتورى بولدى.
2011 جىلعى مامىردان باستاپ «قازاتومونەركاسىپ» ۇاك» اق باسقارماسى توراعاسىنىڭ ەكونوميكا جانە قارجى جونىندەگى ورىنباسارى لاۋازىمىن اتقاردى.
