بىرىنشىدەن, «Qazaqstan» ۇلتتىق ارناسىندا, 16 جەلتوقسان كۇنى ساعات 11:05-تە تىكەلەي ەفيردە قازاقستاننىڭ تاۋەلسىزدىك جىلدارىنداعى دامۋى مەن الەمدىك ساياسي ارەناداعى ورنى جانە ەكونوميكالىق جەتىستىكتەرىنە ارنالعان «تاۋەلسىزدىك تۇعىرىم» اتتى ارنايى جوباسى كورسەتىلەدى. حالىقتى جاڭا يندۋستريالدى جوبالارمەن تانىستىرىپ, ماڭىزدىلىعىن جەتكىزۋ ماقساتىندا «Qazaqstan today» جوباسىنىڭ اياسىندا «Igraphic» ديزاين-بيۋروسىمەن بىرىگىپ ازىرلەنگەن بەينەروليكتەر توپتاماسى مەن تاۋەلسىزدىك كۇنىنە ارنالعان ينفوگرافيكا ۇسىنىلادى.
ەكىنشىدەن, 15 جەلتوقسان كۇنى ساعات 17:30-دا ەلىمىزدىڭ ەگەمەن ەل بولعالى باعىندىرعان بەلەستەرى جايلى تۇسىرىلگەن «قازاقستاننىڭ تاۋەلسىزدىك جىلدارى جەتكەن جەتىستىكتەرى» تۋىندىسى كورەرمەنگە جول تارتادى. ال, 17 جەلتوقسان كۇنى ساعات 15:10-دا قازاقستاننىڭ كولىكتىك-ترانزيتتىك الەۋەتىن ارتتىرۋعا باعىتتالعان اۋقىمدى جوبالاردى سيپاتتايتىن «نۇرلى جول» دەرەكتى ءفيلمىنىڭ تۇساۋكەسەرى وتەدى. سونىمەن قاتار, مەرەكەلىك كۇندەرى ۇلتتىق ارنا تورىنەن تاريحي دەرەكتى فيلمدەر دە ورىن الادى. 17 جەلتوقسان كۇنى 12:40-تا كورەرمەندەر ازاتتىق جولىندا قازاق حالقىنىڭ كۇرەسىن سۋرەتتەيتىن «الاش الىپتارى» تۋىندىسىن تاماشالايدى.
ۇشىنشىدەن, «Qazaqstan» ۇلتتىق تەلەارناسىنىڭ تاپسىرىسىمەن دايىندالعان, ەلىمىزدىڭ قاۋىپسىزدىگىن قامتاماسىز ەتەتىن ارنايى قىزمەت قۇرىلىمدارىنىڭ جانكەشتى ەڭبەگىن سيپاتتايتىن «تەكەتىرەس» اتتى 4 بولىمنەن تۇراتىن تەلەۆيزيالىق كوركەم تەلەحيكايا ۇسىنىلادى. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ 25 جىلدىعىنا وراي ارنايى تۇسىرىلگەن تۋىندى 18-19 جەلتوقسان كۇندەرى ساعات 13:15-تە 2 بولىمنەن قاتار كورسەتىلەتىن بولادى.
تورتىنشىدەن, وسىنداي ايتۋلى كۇندەرى ۇلتتىق ارنانىڭ مەگا-جوبالارىنىڭ اقتىق بولىمدەرى جوسپارلانعان. ۇلتتىق ارنا كورەرمەندەرىندە 16 جەلتوقسان 21:30-دا "Silk Way Star" جوباسىنىڭ فينالىن جانە 17 جەلتوقسان 20:55-تە "مەن قازاقپىن" حالىقارالىق مۋزىكالىق جوباسىنىڭ گالا-كونتسەرتىن تاماشالاپ, جوبا جەڭىمپازدارىمەن تانىسۋ مۇمكىندىگى تۋادى.
سونىمەن قاتار, مەرەكەلىك كۇندەرى سپورت سۇيەر قاۋىمعا تاماشا توسىن سىي دايىنداۋدا. ۇلتتىق كۇرەس جانكۇيەرلەرى ءۇشىن ارنايى «ەۋرازيا بارىسى - 2017» حالىقارالىق ءتۋرنيرىنىڭ تىكەلەي كورسەتىلىمى 16 جەلتوقساندا 13:00-دە باستالادى.
ارنايى تەلەۆيزيالىق جوبالار ايماقتىق تەلەارنالاردا دا جوسپارلانعان.
