اتالعان تۇراقتاندىرۋ قورى بۇگىندە حالىققا قاجەتتى بارلىق تاۋارلاردى تاياۋدا عانا پايدالانۋعا بەرىلگەن شىمكەنت قالاسىنداعى كولىك-لوگيستيكالىق ورتالىعىندا ساقتاۋعا كىرىسكەن بولاتىن. قازىر اتالعان قور مۇنداعى 4 مىڭ شارشى مەترلىك قويمالاردى جالعا الىپ, 2,5 مىڭ تونناعا جۋىق ازىق-ت ۇلىك تاۋارلارىن ساقتاپ وتىر. اتالعان سەرىكتەستىكتىڭ جۇمىسىمەن تانىسقان ءوڭىر باسشىسى باعانى تۇراقتاندىرۋدا زاماناۋي قويمالاردىڭ ماڭىزدى ەكەنىن جەتكىزدى.
«ەلىمىزدىڭ سولتۇستىك ايماقتارىندا قىستىڭ كەش ءتۇسىپ, جىلى تەمپەراتۋرانىڭ ساقتالۋىنا بايلانىستى تاۋار وندىرۋشىلەردىڭ قويمالارداعى كارتوپ, ءسابىز ونىمدەرى ءشىرىپ كەتىپ جاتىر. سونىڭ سالدارىنان تاۋار وندىرۋشىلەر قويمالارداعى تاۋارلارىن جاپپاي ساتۋعا شىعارۋدا. بۇل ءجايت الداعى كوكتەم ايلارىندا نارىقتا كەيبىر ءونىم تۇرلەرىنىڭ تاپشىلىعىنا الىپ كەلۋى مۇمكىن. سوندىقتان وبلىسىمىزدا قۇرىلعان تۇراقتاندىرۋ قورى شىمكەنت قالاسىندا ورنالاسقان كولىك-لوگيستيكالىق ورتالىعىنداعى جاڭا زاماناۋي قويمانى پايدالانۋدى قولعا الدى. قوردىڭ بۇل ارەكەتىن قۇپتارلىق دەپ باعالايمىن» - دەدى جانسەيىت قانسەيىت ۇلى.
ءوڭىر باسشىسى قوردىڭ جالعا الىپ وتىرعان قويمالارىن ارالاپ كورىپ, ەت پەن ەت ونىمدەرىن دە ساقتاۋعا كەڭەس بەردى.
«بۇعان دەيىن تۇراقتاندىرۋ قورى تاۋارلارىن كەڭەس زامانىنان قالعان قويمالاردا ساقتاپ كەلدى. تالاپقا ساي كەلمەگەندىكتەن ساقتالعان تاۋارلار ەرتە ءب ۇلىنىپ, بىرقاتار شىعىندارعا ۇراناتىن. ەندى مىنە شىمكەنت قالاسىنان زاماناۋي قويما پايدالانۋعا بەرىلىپ, تاۋارلارىمىزدى ساقتاۋ مەرزىمى ۇزارىپ وتىر. قازىردىڭ وزىندە ءبىز وسىندا ساقتالعان كارتوپتاردى 85 تەڭگەدەن, ءسابىزدى 80 تەڭگەدەن, ال پيازدى 50 تەڭگەدەن ساتىلىمعا شىعارۋدامىز» - دەدى «شىمكەنت» الەۋمەتتىك كاسىپكەرلىك كورپوراتسياسى توراعاسىنىڭ ورىنباسارى ماراتبەك مىرزامۇراتوۆ.
ايتا كەتەيىك, مۇنداعى بارلىق تاۋارلار بيرجا ارقىلى ساتىپ الىنادى. ەكىجاقتى جاسالعان شارت بويىنشا ساتۋشىلار تاۋارلارىن وزىندە ساقتاپ, كەيىننەن سۇرانىسقا ساي وسى قويماعا جەتكىزىپ بەرىپ وتىرادى. ال الەۋمەتتىك ماڭىزى بار بۇل ازىق-ت ۇلىك قورى باعا شارىقتاپ كەتكەن جاعدايدا باسەكەلەستىك ورتا قالىپتاستىرىپ, ونى قايتا قالىپقا كەلتىرۋگە سەپ بولماق. اتقارىلعان جۇمىستاردىڭ ناتيجەسىندە قاراشا ايىنا بەلگىلەنگەن 101 پايىز باعا يندەكسى 98,5 پايىزعا تومەندەپ وتىر.
