زاڭ جوباسىمەن سوت جۇيەسى, مەملەكەتتىك رامىزدەردى ورنالاستىرۋ, كونستيتۋتسيالىق كەڭەس, «استانا» حالىقارالىق قارجى ورتالىعى ماسەلەلەرى بويىنشا كونستيتۋتسيالىق زاڭداردىڭ جەكەلەگەن ەرەجەلەرى ناقتىلانادى.
«قازاقستان رەسپۋبليكاسىنىڭ كونستيتۋتسيالىق كەڭەسى تۋرالى» كونستيتۋتسيالىق زاڭعا كونستيتۋتسيالىق كەڭەستىڭ توراعاسى مەن مۇشەلەرىنىڭ انت بەرۋ ءتارتىبىن پرەزيدەنت بەلگىلەيتىنى تۋرالى تۇزەتۋ ەنگىزىلەدى.
«قازاقستان رەسپۋبليكاسىنىڭ تۇڭعىش پرەزيدەنتى – ەلباسى تۋرالى» كونستيتۋتسيالىق زاڭدا تۇڭعىش پرەزيدەنتتىڭ مارتەبەسى ناقتىلانادى.
«قازاقستان رەسپۋبليكاسىنىڭ سوت جۇيەسى جانە سۋديالارىنىڭ مارتەبەسى تۋرالى» كونستيتۋتسيالىق زاڭعا سوت تورەلىگىن قامتاماسىز ەتۋدى ۇيىمداستىرۋعا تىكەلەي بايلانىستى لاۋازىمداردى الماستىرۋ ءتارتىبىن بەلگىلەۋگە باعىتتالعان وزگەرىستەر مەن تولىقتىرۋلار ەنگىزىلەدى.
كونستيتۋتسيادان «ۇكىمەت قۇرامىنا كىرمەيتىن ورتالىق اتقارۋشى ورگاندار» ۇعىمىنىڭ الىنىپ تاستالۋىنا بايلانىستى «قازاقستان رەسپۋبليكاسىنىڭ مەملەكەتتىك رامىزدەرى تۋرالى» كونستيتۋتسيالىق زاڭعا مەملەكەتتىك رامىزدەردى ورنالاستىرۋ ءتارتىبىن بەلگىلەۋ جونىندەگى تۇزەتۋلەر ۇسىنىلىپ وتىر.
«استانا» حالىقارالىق قارجى ورتالىعى تۋرالى» كونستيتۋتسيالىق زاڭدا ساقتاندىرۋ جانە بانكى قىزمەتىنىڭ دامۋىنا, قارجى تەحنولوگياسىنىڭ, ەلەكتروندىق كوممەرتسيا مەن يننوۆاتسيالىق جوبالاردىڭ جەتىلدىرىلۋىنە بايلانىستى ورتالىقتىڭ مىندەتى ۇلعاياتىن بولادى.
وتىرىستا «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى دا ءبىرىنشى وقىلىمدا قارالدى.
زاڭ جوباسى اكىمشىلىك قۇقىق بۇزۋشىلىق تۋرالى زاڭنامانى ودان ءارى جەتىلدىرۋگە, اكىمشىلىك-قۇقىق بۇزۋشىلىق زاڭناماسىن ىزگىلەندىرۋگە, بيزنەسكە قىسىمدى ازايتۋعا, جەكەلەگەن پروتسەستىك ەرەجەلەردى جۇيەلەۋگە, سونداي-اق قۇقىقتىق ولقىلىقتار مەن قايشىلىقتاردى الىپ تاستاۋعا باعىتتالعان.
اكىمشىلىك قۇقىق بۇزۋشىلىق تۋرالى كودەكسكە:
- اكىمشىلىك قۇقىق بۇزۋشىلىقتىڭ جەكەلەگەن قۇرامدارى بويىنشا اكىمشىلىك ايىپپۇلدار مولشەرىن تومەندەتۋدى;
- ەسكەرتۋ ينستيتۋتىن قولدانۋدى ۇلعايتۋدى;
- جەكە تۇلعاعا سالىناتىن ايىپپۇلداردىڭ ەڭ جوعارى شەگىن بەس ءجۇز ايلىق ەسەپتىك كورسەتكىشتەن ەكىجۇزگە دەيىن ازايتۋدى;
- قىسقارتىلعان ءوندىرىستى قولدانۋ سالاسىن ۇلعايتۋدى;
- قىزمەتتىڭ جەكەلەگەن تۇرلەرىن توقتاتۋعا نەگىز بولعان ءتارتىپ بۇزۋشىلىق جوندەلگەن كەزدە بەرىلگەن رۇقساتتىڭ (نەمەسە ونىڭ جەكەلەگەن قوسىمشالارىنىڭ) كۇشىن مەرزىمىنەن بۇرىن قايتا جاڭعىرتۋدى;
- جەكەلەگەن قىزمەتتى نەمەسە ارەكەتتى جۇزەگە اسىرۋعا بەرىلگەن رۇقسات بەرۋ قۇجاتتارىنىڭ كۇشىن جويۋدى نەمەسە توقتاتۋدى كوزدەيتىن وزگەرىستەر مەن تولىقتىرۋلار ەنگىزىلەدى.
كىشىگىرىم, ماردىمسىز ءتارتىپ بۇزۋشىلىقتار ءۇشىن اكىمشىلىك جاۋاپكەرشىلىكتەن بوساتۋ تەتىكتەرى ەنگىزىلەدى. ودان باسقا, اكىمشىلىك ءتارتىپ بۇزعان ادامدى اكىمشىلىك جازاسىنىڭ ءبىرى رەتىندە جيىرما ءتورت ساعاتقا دەيىن قاماۋعا الۋ جونىندەگى اكىمشىلىك ۇستاۋ مەرزىمىن بەلگىلەيتىن تولىقتىرۋ ەنگىزىلەدى.
زاڭ جوبالارى پالاتانىڭ قاراۋىنا جىبەرىلدى.
قازاقستان رەسپۋبليكاسى پارلامەنتى
سەناتىنىڭ ءباسپاسوز قىزمەتى
