پيلوتتىق جوبا اياسىندا ادەپ جونىندەگى كەڭەس مۇشەلەرىنىڭ ازاماتتاردى قابىلداۋ, كوشپەلى كەزدەسۋلەر وتكىزۋ كەستەلەرى بەكىتىلگەن. سونداي-اق, قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وڭتۇستىك قازاقستان وبلىسى بويىنشا دەپارتامەنتىنىڭ memkyzmet.kz سايتىندا ورنالاستىرىلدى. ناتيجەسىندە ازاماتتاردىڭ ءوز قۇقىقتارىن قورعاۋ ءۇشىن دەپارتامەنتكە ەمەس, ادەپ جونىندەگى كەڭەس مۇشەلەرىنە تىكەلەي شاعىمدانۋعا بارلىق جاعدايلار جاسالىپ وتىر.
تاياۋدا پيلوتتىق جوبانى حالىققا تانىستىرۋ ءۇشىن وبلىسىمىزداعى ادەپ جونىندەگى كەڭەس مۇشەلەرى سارىاعاش, سوزاق اۋداندارىنا ارنايى بارىپ, جەرگىلىكتى حالىقپەن كەزدەسۋ وتكىزدى. كەڭەس مۇشەلەرى ءا. دوسبولوۆ پەن «ازاماتتىق اليانس» اسسوتسياتسياسىنىڭ مۇشەسى ا.احمەتوۆ جەكە قابىلداۋ وتكىزىپ, بىرقاتار ىسساپارعا بارعان مەملەكەتتىك قىزمەتشىلەرگە ءىسساپار شىعىندارى تولەنبەگەنىن انىقتاعان.
وسى كەمشىلىكتىڭ نەگىزىندە وبلىستىڭ بارلىق اۋدان, قالا اكىمى اپپاراتتارىنا زەردەلەۋ جۇمىستارى جۇرگىزىلىپ, جىل باسىنان 1824 قىزمەتشىنىڭ ءىسساپار شىعىندارى ءوز ۋاقىتىندا تولەنبەگەنى انىقتالىپ وتىر. وسىعان بايلانىستى مەملەكەتتىك قىزمەتشىلەردىڭ قۇقىقتارىن قورعاۋ ماقساتىندا ا.احمەتوۆتىڭ ۇسىنىسىمەن اتالعان ماسەلە ادەپ جونىندەگى كەڭەستىڭ وتىرىسىندا تالقىلانىپ, تۇراقتى تۇردە مونيتورينگ جۇرگىزەتىندىگى جونىندە ءتيىستى حات جولداندى.
