قازاقستان-اقش: ارىپتەستىك الەۋەتى

كەشە سىرتقى ىستەر ءمينيسترى ەرجان قازىحانوۆ اقش-تىڭ ەلىمىزدەگى توتەنشە جانە وكىلەتتى ەلشىسى كەننەت فەيرفاكستى قابىلدادى. كەزدەسۋ بارىسىندا تاراپتار ەكىجاقتى قارىم-قاتىناستاعى ىن­تىماقتاستىق پەن ارىپتەستىكتىڭ ۇدەمەلى دامۋى, سونداي-اق 2010 جىلدىڭ ءساۋىر ايىندا قازاقستان مەن اقش پرەزيدەنتتەرى نۇر­سۇل­تان نازارباەۆ پەن باراك وبامانىڭ ءوزارا كەزدەسۋىندە قول جەتكىزىلگەن كەلىسىمدەر, سول كە­لى­سىمدەردىڭ تابىستى جۇزەگە اسى­رىلۋى بارىسى جايىن تال­قى­لا­دى. تاراپتار حالىقارالىق قاۋىپ­سىزدىكتى قامتاماسىز ەتۋگە, ەنەر­گەتيكالىق جانە ازىق-ت ۇلىك سالا­سىنداعى ءوزارا بايلانىستى نى­عايتۋعا نيەت ءبىلدىردى. قازاقستاننىڭ اۋعانستاندى تۇ­راقتاندىرۋ جونىندەگى كۇش-ءجى­گەرىنە العىسىن بىلدىرە كەلىپ, امە­ريكالىق تاراپ ەلىمىزدىڭ اۋ­عان­ستانداعى جاعدايدى رەتكە كەلتىرۋ جونىندەگى باستامالارىنا لاي­ىقتى قولداۋ كورسەتىپ وتىر­عان­دىعىنا توقتالدى. اۋعان ستۋدەنتتەرىنە ارنالعان ءبىلىم بەرۋ باعدارلاماسى مەن استانانىڭ وسى باعىتتاعى باسقا دا قادام­دارىن جوعارى باعالادى. بولاشاقتا اۋعانستاننىڭ ور­تا­لىق جانە وڭتۇستىك ازيا ەلدەرىمەن تىعىز ەكونوميكالىق ىن­تى­ماقتاستىقتى ورناتۋ نەگىزىندە وسى ەلدى الەۋمەتتىك-ەكونومي­كا­لىق تۇرعىدا وڭالتۋداعى ىنتى­ماقتاستىققا سەرپىن بەرىلەتىندىگى دە نازاردان تىس قالمادى. وسى ورايدا قازاقستاننىڭ ەۋرازيا­دا­عى ەكونوميكالىق جانە كولىكتىك ينتەگراتسيالاۋ جونىندەگى باستا­ما­­لارىنىڭ ماڭىزدىلىعى اي­تىل­دى. كەزدەسۋ كەزىندە اقش ەلشىسى قازاقستان سىرتقى ساياسات ۆەدوم­ستۆوسىنىڭ باسشىسىن ءوزىنىڭ قا­زاقستانداعى ميسسياسى جونىندە حاباردار ەتتى. كەزدەسۋدەن كەيىن ك.فەيرفاكس باق وكىلدەرىنە سۇح­بات بەردى. ءوز سوزىندە: «كەز­دەسۋدىڭ ۇزاققا سوزىلعانىنا قا­راپ, قازاقستان-اقش ىنتى­ماقتاستىعىنىڭ ماڭىزدى ەكەندىگىن كورۋگە بولادى. 20 جىل ىشىندە ەكى مەملەكەت اراسىنداعى ءارىپ­تەس­تىك ءتۇرلى سالادا جانداندى. بۇگىن بىزدەر يادرولىق قارۋدى تاراتپاۋدان باستاپ, ەۋروپا مەن ازياداعى قاۋىپسىزدىك سىندى بىرقاتار ماسەلەلەردى تالقى­لا­دىق. مەنىڭشە, الدا بىزدەردى وتە جاقسى جۇمىستار كۇتىپ تۇر»,  دەدى ك.فەيرفاكس. ءلايلا ەدىلقىزى.