تۋ تۇعىردىڭ بيىكتىگى - 62,5 مەتردى قۇرايدى. ال, بايراقتىڭ ەنى 12 مەتر بولسا, ۇزىندىعى 24 مەتر. ازاماتتاردىڭ تۋعان جەرگە جانە ونىڭ رامىزدەرىنە دەگەن قۇرمەتتى ارتتىرۋ, پاتريوتتىق رۋحىن وياتۋ ماقساتىندا سالىنعان الاڭنىڭ سالتاناتتى اشىلۋىنا وبلىس اكىمى جانسەيىت تۇيمەباەۆ قاتىستى.
«ەلباسىمىز ن.ءا.نازارباەۆتىڭ «تəۋەلسىزدىك - التىن كۇمبەز دەيتىن بولساق, سول كۇمبەزدى تىرەپ تۇرعان ءتورت بەلگى – رəمىزدەرىمىز بار. ونىڭ ءبىرىنشىسى - ەلتاڭبا, ەكىنشىسى-Əنۇران, ءۇشىنشىسى - كوك بايراق, ءتورتىنشىسى - قازاق ءتىلى» دەگەن ءسوزى بار. سوندىقتان ەگەمەندى ەلىمىزدىڭ قاسيەتتى نىشاندارىن قادىرلەۋ – قازاقستاندى – وتانىم دەپ ەسەپتەيتىن ءاربىر ازاماتتىڭ پارىزى دەپ ەسەپتەيمىن. رامىزدەر - ءبىزدىڭ ۇلتتىق ارىمىز بەن نامىسىمىز. ەندەشە بۇگىنگى اشىلىپ وتىرعان «رامىزدەر الاڭىنا» قۇرمەتپەن قاراپ, نامىسىمىزدى قورعاي بىلەيىك دەگىم كەلەدى», - دەدى وبلىس اكىمى.
بەكزات ساتتارحانوۆ داڭعىلىنىڭ بويىندا سالىنعان الاڭدا قازاقستان رەسپۋبليكاسىنىڭ مەملەكەتتىك رامىزدەرى كورىنىس تاپقان جانە ەلدىك مۇراتتى مەڭزەگەن ەلباسى مەن قازاق ەلى قايراتكەرلەرىنىڭ قاناتتى سوزدەرى جازىلعان ارنايى تاس تاقتالار ساپ تۇزەگەن. نىساننىڭ قۇرىلىسىن «تۇركىستان جارىق تازالىق» جشس-ءى جۇرگىزگەن. رامىزدەر الاڭىن سالۋعا جەرگىلىكتى بيۋدجەتتەن 230 ميلليون تەڭگە كولەمىندە قارجى ءبولىنىپ, سول اقشا تولىعىمەن يگەرىلىپ, اباتتاندىرۋ جۇمىستارى جۇرگىزىلدى. وندا ءتۇرلى كىشى ارحيتەكتۋرالىق فورمالار مەن سۋ بۇرقاعى, بەسەدكالار, ورىندىقتار, ۋرنالار, گازوندار مەن گۇل كلۋمبالارى ورناتىلىپ, دەكوراتيۆتى اعاشتار وتىرعىزىلعان.
