مەملەكەتتىك حاتشىعا گۆينەيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مىندەتىن قوسا اتقارۋشى بانگالي دياكحابي, پاناما رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مىندەتىن قوسا اتقارۋشى ميگەل ۋمبەرتو لەكارو بارسەناس, مالي رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مىندەتىن قوسا اتقارۋشى تيەفينگ كوناتە, حورۆاتيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مىندەتىن قوسا اتقارۋشى تونچي ستانيچيچ, كيپر رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مىندەتىن قوسا اتقارۋشى لەونيداس ماركيديس, پەرۋ رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مىندەتىن قوسا اتقارۋشى لۋيس بەنحامين چيموي ارتەاگا سەنىم گراموتالارىن تاپسىردى.
گۆينەيا ەلشىسىمەن كەزدەسۋ بارىسىندا گۇلشارا ابدىقالىقوۆا بيىل قازاقستان مەن گۆينەيا اراسىندا ديپلوماتيالىق قارىم-قاتىناستىڭ ورناعانىنا 25 جىل تولعانىن اتاپ ءوتتى. گۆينەيا رەسپۋبليكاسىنىڭ پرەزيدەنتى الفا كوندەنىڭ يسلام ىنتىماقتاستىعى ۇيىمىنىڭ عىلىم جانە تەحنولوگيا جونىندەگى ءبىرىنشى سامميتىنە قاتىسۋ ۇشىن استاناعا كەلگەنى ەكىجاقتى قارىم-قاتىناستىڭ ماڭىزدى وقيعاسى سانالدى.
پاناما ەلشىسىمەن كەزدەسۋدە گ.ابدىقالىقوۆا ەكسپو بازاسىندا جۇزەگە اسىرىلاتىن استانا حالىقارالىق قارجى ورتالىعىنىڭ, بۇۇ-نىڭ قولداۋىمەن قۇرىلعان «جاسىل» تەحنولوگيالار مەن ينۆەستيتسيالاردى دامىتۋ جونىندەگى حالىقارالىق ورتالىقتىڭ جانە ءىت-ستارتاپتار حالىقارالىق تەحنوپاركىنىڭ جوبالارى بويىنشا ىنتىماقتاسۋعا شاقىردى.
مەملەكەتتىك حاتشى مالي رەسپۋبليكاسى ەلشىسىمەن كەزدەسۋدە ازىق-ت ۇلىك قاۋىپسىزدىگى جونىندەگى يسلام ۇيىمىنا قوسىلعانى ءۇشىن ريزاشىلىق ءبىلدىردى. جاقىندا قازاقستان رەسپۋبليكاسىنىڭ ۇكىمەتى مەن ازىق-ت ۇلىك قاۋىپسىزدىگى جونىندەگى يسلام ۇيىمى اراسىندا وسى ۇيىمنىڭ شتاب-پاتەرىن استاناعا ورنالاستىرۋ تۋرالى كەلىسىمگە قول قويىلدى. سونداي-اق, مالي تەرروريزمگە جانە ەكسترەميزمگە قارسى ءىس-قيمىل ماسەلەلەرىندە ماڭىزدى ءرول اتقاراتىنىن ايتتى.
حورۆاتيا رەسپۋبليكاسى ەلشىسىمەن كەزدەسۋ بارىسىندا گ.ابدىقالىقوۆا قازاقستاننىڭ حورۆاتيانى وڭتۇستىك-شىعىس ەۋروپاداعى ماڭىزدى ءارى پەرسپەكتيۆالى سەرىكتەسىنىڭ ءبىرى رەتىندە قاراستىراتىنىن اتاپ ءوتتى. سونداي-اق, مەملەكەتتىك حاتشى ەكونوميكالىق ىنتىماقتاستىق دەڭگەيىن ارتتىرۋ قاجەتتىگىنە كوڭىل اۋداردى. قازاقستاندا شامامەن حورۆاتيالىق 30 كومپانيا جۇمىس ىستەيدى. ەلدەر اراسىنداعى تاۋار اينالىمى بيىلعى قاڭتار-قىركۇيەك ارالىعىندا 301 ميلليون دوللاردى قۇرادى. مەملەكەتتىك حاتشى قازاقستاندىق كومپانيالاردىڭ جوعارى ساپالى بيداي مەن مال شارۋاشىلىعى ونىمدەرىن جەتكىزە الاتىنىن ايتتى. حورۆاتيا كومپانيالارى يندۋستريالاندىرۋدىڭ ەكىنشى بەسجىلدىعى جوبالارىنا قاتىسا الادى.
كيپر رەسپۋبليكاسى ەلشىسىمەن كەزدەسۋ بارىسىندا گۇلشارا ابدىقالىقوۆا ءبىزدىڭ ساياسي ديالوگىمىز بەلسەندى ساۋدا-ەكونوميكالىق سەرىكتەستىك ارقىلى نىعايا تۇسۋگە ءتيىس ەكەنىن ايتتى. قازاقستان ساۋدا-ەكونوميكالىق قارىم-قاتىناستى ارتتىرۋعا جانە ارتاراپتاندىرۋعا, ەل ەكونوميكاسىنا كيپر ينۆەستيتسياسىن تارتۋعا مۇددەلى.
مەملەكەتتىك حاتشى پەرۋ ەلشىسىمەن كەزدەسۋدە بۇل ەلدىڭ بۇۇ قاۋىپسىزدىك كەڭەسىنىڭ 2018-2019 جىلدارداعى تۇراقتى ەمەس مۇشەسى بولىپ سايلانۋىمەن قۇتتىقتادى. پەرۋدىڭ ۇيىمعا مۇشە بولۋى قازاقستاننىڭ بۇۇ قاۋىپسىزدىك كەڭەسىنە 2018 جىلعى قاڭتاردان باستاپ توراعالىق ەتۋىمەن تۇسپا-تۇس كەلىپ وتىر.
ءراسىم سوڭىندا قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا ەلشىلەردى قازاقستانداعى ديپلوماتيالىق قىزمەتتەرىنىڭ باستالۋىمەن قۇتتىقتاپ, ساتتىلىك تىلەدى.
