جوبا «قازاقتەڭىزكولىكفلوتى» ءۇشىن ءۇش سۇيرەتكىشتىڭ تولىق جابدىقتالۋىن قامتاماسىز ەتۋ ماقساتىندا «Damen» كەمە جاساۋ كومپانياسى جانە «Al Hilal» يسلام بانكى مەن وتاندىق تەڭىز فلوتى اراسىندا قارجىلىق كەلىسىمنىڭ شارتىنا سايكەس جۇزەگە اسىرىلۋدا. ءۇشىنشى سۇيرەتكىش كەمەسىن جابدىقتاۋ جۇمىستارى كەلەسى جىلى اياقتالادى دەپ كۇتىلۋدە. «قازاقتەڭىزكولىكفلوتى» ۇلتتىق تەڭىز كەمە قاتىناسى كومپانياسى سۋ جاڭا قۋاتتى زاماناۋي بۋكسير ەسەبىنەن وتاندىق فلوت بىرلىكتەرىن ۇلعايتتى.
– ەلباسى نۇرسۇلتان نازارباەۆ كاسپي ايماعى ەلىمىزدىڭ ەكونوميكالىق ءونىمىنىڭ ەڭ ماڭىزدى بولىگى ەكەنىن ايتىپ كەلەدى. سونىڭ ىشىندە مۇناي ءوندىرۋ سالاسىندا قىزمەت جاساپ جاتقان كومپانيالاردىڭ ءرولى زور. «تەڭىزشەۆرويل» كومپانياسىنىڭ بولاشاقتا مۇناي ءوندىرۋ مۇمكىندىگى ودان ءارى كەڭەيتىلەدى. سوعان وراي ۇلكەن جوبانى جۇزەگە اسىرۋ – باستى ماقساتىمىز. بۇگىنگى ءىس-شارا سونىڭ ۇلكەن باستاماسى دەپ ايتۋعا بولادى. ماۋسىم ايىندا باستالعان جوبا قىسقا مەرزىمدە اياقتالدى. گوللانديانىڭ ەڭ ءىرى ۇلكەن كومپانياسىندا جاسالعان بۋكسيرلەر ماڭعىستاۋدىڭ عانا ەمەس, جالپى ەل ەكونوميكاسىنا پايداسىن تيگىزەتىنى ءسوزسىز. الداعى ۋاقىتتا اتقارىلاتىن جوبالاردىڭ اقشا اينالىمىنا عانا ەمەس, ەلىمىزدىڭ, سونىڭ ىشىندە وبلىستىڭ تۇرعىندارىن جۇمىسپەن قامتۋعا, وتباسىن اسىراۋىنا مۇمكىندىك تۋعىزادى, - دەپ سالتاناتتى شارادا ءسوز العان ماڭعىستاۋ وبلىسىنىڭ اكىمى ەرالى توعجانوۆ.
ۇزىندىعى 27 مەتر جانە ەنى 9 مەتر بۋكسيرلەر سولتۇستىك كاسپيدىڭ سۋى تايىز ايماقتارىندا جۇزەدى. بۋكسەرلەردىڭ نەگىزگى مىندەتى كەمەلەردى سۇيرەۋ, اسسيستەنتتىك قىزمەتتەردى ۇسىنۋ, ناۆيگاتسيالىق كومەك كورسەتۋ جانە زاكىرلەردى وڭدەۋ. ۇيىمداستىرۋشىلاردىڭ ايتۋىنشا, «قازاقتەڭىزكولىكفلوتى» سۋ جاڭا كەمەلەردى تولىقتىرۋ ارقىلى دامۋ ستراتەگياسىن بىرىزدىلىكپەن جانە كەزەڭ-كەزەڭمەن ىسكە اسىرادى. بۇل كاسپي تەڭىزىنىڭ قازاقستاندىق سەكتورىن يگەرۋ بويىنشا جوبالار شەڭبەرىندە كومپانيا ۇسىناتىن قىزمەتتەر اياسىن كەڭەيتە تۇسپەك.
جاڭا سۇيرەتكىشتەر تەرەڭدىگى شەكتەلگەن ايماقتاردا جۇمىستاردى جۇيەلى جۇرگىزۋ ءۇشىن جوعارى تالاپقا ساي جابدىقتالعان. سوندىقتان اقتاۋ تەڭىز پورتى ايماعىنداعى كولىك-لوگيستيكالىق ينفراقۇرىلىمدى دامىتۋ ءۇشىن اتالعان كەمەلەردىڭ ماڭىزى زور.
گۇلايىم شىنتەمىرقىزى,
«ەگەمەن قازاقستان».
سۋرەتكە تۇسىرگەن سەرىك مايەمەروۆ.
ماڭعىستاۋ وبلىسى
