باسقوسۋدىڭ سالتاناتتى اشىلۋ راسىمىندە «تكش قازورتالىعى» اق باسقارما توراعاسى نۇرسۇلتان جيەنباەۆ ءسوز سويلەپ, شارانىڭ ماڭىزدىلىعىنا توقتالدى. ول جاقىن ارادا گەرمانياداعى ارىپتەستەرىمەن بىرلەسىپ تۇرعىن ءۇي-كوممۋنالدىق شارۋاشىلىق سالاسىنا يننوۆاتسيالاردى ەنگىزۋگە كەلىسىم جاسالعانىن ەسكە سالدى. ول مەموراندۋمعا سايكەس كومپانيالار تكش-نىڭ جالپى ستراتەگياسى, تۇرعىن ءۇي قورىن باسقارۋ سالاسىنداعى قازاقستان زاڭناماسىن, ەنەرگيانى ۇنەمدەۋدەگى قاناتقاقتى جوبالاردى جەتىلدىرۋ جانە بىرلەسىپ ىسكە اسىرۋ, سونىمەن بىرگە ينۆەستيتسيالار, گرانتتار تارتۋ سەكىلدى بىرنەشە باعىتتار بويىنشا ىنتىماقتاستىق ورناماق.
جيىندا رەسەي فەدەراتسياسىنىڭ قازاقستانداعى ساۋدا وكىلدىگىنىڭ كەڭەسشىسى ۆلاديمير بەندەرسكي ەكى ەل اراسىنداعى بايلانىستاردىڭ تيىمدىلىگىن, الىس-بەرىستىڭ اۋقىمدىلىعىن اڭگىمەلەدى. ء«ار سالاداعى تاجىريبە الماسۋلارىمىز, ساۋدا-ساتتىق قاتىناستارىمىز قوس مەملەكەتتىڭ ىلگەرىلەۋىنە ۇلەس قوسادى. ءبىزدىڭ دوستىعىمىز, تاتۋلىعىمىز ۇلكەن جەتىستىكتەرگە باستاۋدا. وسى جيىن دا ەكى ەل كاسىپورىندارىنىڭ بىرلەسە جۇمىس اتقارۋىنا ىقپال ەتەرى ءسوزسىز», دەدى ول.
فورۋم بارىسىندا كورمە ۇيىمداستىرىلىپ, تۇكش جانە قۇرىلىس سالاسىنداعى جاڭالىقتار كوپشىلىك نازارىنا ۇسىنىلدى. وندا استانا, الماتى, ستەپنوگور, پاۆلودار, قاراعاندى, قوستاناي, شىمكەنت, ورال, كوكشەتاۋ, اقتوبە, اتىراۋ, وسكەمەن قالالارىنىڭ كاسىپورىندارى قۇرىلىس تەحنولوگيالارىن, جابدىقتارىن, سۋدى دايىنداۋ, كارىزدەندىرۋ, تازارتۋ قۇرىلعىلارىن, جوبالاۋ, جىلىتۋ جۇيەلەرىن, ەسەپكە الۋ اسپاپتارىن, ەلەكتر قۇرالدارىن كورسەتتى. سونىمەن قاتار رەسەي, بەلارۋس, ۋكراينا, گەرمانيا, تۇركيا, بەلگيا, قىتاي, پولشا ونىمدەرى دە بار.
اسحات رايقۇل,
«ەگەمەن قازاقستان»
