ءوزىنىڭ كورمەسىمەن جۇرتشىلىق الدىنا جىل سايىن مەرەكەلەردە شىعىپ وتىرادى. بيىل دا تەڭگەنىڭ شىققان كۇنىنە بايلانىستى ۇلتتىق بانك فيليالىنىڭ عيماراتىندا كورمەسىن كوپشىلىككە ۇسىندى. 45 جىلدان بەرى اقشانىڭ ءتۇر-ءتۇرىن جيناپ كەلە جاتقان الەكسەي پەتروۆيچتڭ قولىندا قانشا دانا اقشا بەر ەكەنىن ايتىپ جاتۋدىڭ ءوزى ارتىق سەكىلدى, ونىڭ ايتۋىنشا وتە كوپ. «تەك تازا كۇمىستەن سوققان مونەتانىڭ ءوزى 300 دانادان اسادى. جىل سايىن كورمەمدى جايىپ وتىرامىن, ونداعى ماقساتىم جاس ۇرپاققا پاتريوتتىق تاربيە بەرۋگە ۇلەس قوسۋ. اقشامىز دا گەرب, تۋ, گيمن سەكىلدى مەملەكەتتىك سيمۆولىمىزدىڭ ءبىرى عوي» دەيدى كوللەكتسيونەر ۇستاز.
الەكسەي التۋحوۆتىڭ كوللەكتسياسى سوڭعى جىلدارى تەك ۇلتتىق ۆاليۋتامەن تولىعىپ كەلەدى. ول ۇلتتىق مونەتالاردىڭ ەشقايسىسىن قالدىرماي الىپ وتىرادى.
الەكسەي پەتروۆيچتىڭ ءوزى تەڭگەنىڭ تاريحىنان ساباق وتكىزەدى. ۇلتتىق ۆاليۋتانىڭ تاريحىن ەلدىڭ, مەملەكەتتىڭ تاريحىنان ءبولىپ قارامايدى. «قازاقستان رەسپۋبليكاسىنىڭ ۇلتتىق ۆاليۋتاسى» اتتى وقۋلىق اۆتورىنىڭ ءبىرى. كىتاپتى «قارجى جانە نەسيە» ماماندىعى ستۋدەنتتەرى پايدالانادى.
ءنازيرا جارىمبەت
«ەگەمەن قازاقستان»
قوستاناي
