قىزدار ۋنيۆەرسيتەتىندە ۇلت تاريحىنا بايلانىستى جاڭا كىتاپ جارىق كوردى

كىتاپتا ۇلت تاريحىنا بايلانىستى ەجەلگى داۋىردەن كۇنى بۇگىنگە دەيىنگى نەگىزگى ۇعىمدارى تولىققاندى باياندالىپ, ونىڭ ءمانى مەن ماڭىزى, نەگىزگى ۇعىمدارى جايىندا ورامدى ويلار ايتىلعان. سونىمەن قاتار, عىلىمي-تەوريالىق نەگىزدەرى سارالانىپ, تاريحنامالىق, دەرەكتەمەلىك تالداۋ جاسالعان.

وقۋ قۇرالى 5 بولىمنەن تۇرادى. وندا قازاقستاننىڭ كونە ءداۋىرىنىڭ تاريحى مەن ارحەولوگيالىق زەرتتەۋلەرى, XVIII-XX عاسىرلار باسىنداعى ۇلت تاريحىنا قاتىستى دەرەكتەمەلەر مەن ەلىمىزدىڭ تاۋەلسىزدىك جىلدارىنداعى تاريحىنىڭ نەعۇرلىم ماڭىزدى كەزەڭدەرى قامتىلعان. سونداي-اق, مەملەكەت باسشىسىنىڭ «قازاقستان-2050» ستراتەگيالىق باعدارلاماسىنىڭ باسىم باعىتتارى مەن مىندەتتەرىنە تاريحي كوزقاراس تۇرعىسىنان شولۋ جاسالعان.

– ءتول تاريحىمىزدى وقىتۋ بارىسىندا مامانداردىڭ الدىندا جاس ۇرپاقتىڭ ساناسىندا جاڭا قازاقستاندىق ءپاتريوتيزمدى ورنىقتىرۋ ماسەلەسى باستى مىندەت بولىپ وتىر. بۇل ءوز كەزەگىندە جاستاردىڭ ۇلتتىق سانا-سەزىمى مەن ۇلتجاندىلىعىن دامىتۋعا, ولاردىڭ تاريحي جانە الەۋمەتتىك جادىسىن شىڭداۋعا سەپ بولماق. پەداگوگتار شاكىرتتەرگە «ماڭگىلىك ەل» ۇلتتىق يدەياسىن ءeلىمىزدى مەكەندەيتىن بارلىق حالىقتار قacتeرلeيتىن جeتeكشى يدeيا ءرeتىندe ءتۇسىندىرىپ, ونىڭ عىلىمي نeگىزدeمecىن جacaپ ارنايى وقىتۋعا دا ەرەكشە ماڭىز بەرىلۋدە. ءدال وcى كوزقaرac تۇرعىcىنaن قaرaعaندa ءeلىمىزدىڭ جوعارى وقۋ ورىندارىندا ءبىلىم الىپ جاتقان ستۋدەنتتەرگە ءوز ماماندىعىنا ساي ءبىلىم بەرىپ عانا قويماي, ولاردىڭ ۇلتتىق caنa-ءceزىمىن قaلىپتacتىراتىن ارنايى وقۋ قۇرالدارى مەن تانىمدىق دۇنيەلەر شىعارۋ قاجەتتىلىگى تۋىنداپ وتىر, – دەيدى كىتاپ اۆتورى.

ە. بەرلىباەۆتىڭ ايتۋىنشا, قازىرگى كەزەڭدە قازاقستاننىڭ تاريحناماسى مەن دەرەكتەمەسى ءپانى بويىنشا وقۋ قۇرالدارى جەتىسپەيدى. ۇلت تاريحىنىڭ ءالى دە بولسا جەتە قاراستىراتىن قالتارىستارى بارشىلىق.

– كىتاپتا بۇرىن سىڭارجاق قاراستىرىلىپ كەلگەن تاريحي وقيعالارعا جاڭاشا باعا بەرۋمەن قاتار, قازاق تاريحىنداعى كەزىندە جازۋعا تىيىم سالىنعان «اقتاڭداق» بەتتەرىن بۇگىنگى بيىك تالاپتار تۇرعىسىنان سارالانىپ, عىلىمي تۇرعىدا قايتا زەردەلەندى. وقۋ قۇرالى جوعارى وقۋ ورىندارىندا ءبىلىم الىپ جۇرگەن ستۋدەنتتەردىڭ تاريحي ساناسىن بۇگىنگى ۋاقىت شەڭبەرىندە قالىپتاستىرۋدا سۇبەلى ۇلەس قوسادى دەگەن ويدامىز, – دەپ اتاپ ءوتتى ول.