سالتاناتتى شاراعا اقتوبە وبلىسىنىڭ اكىمى بەردىبەك ساپارباەۆ قاتىستى.
مەرەكەنىڭ ءدال وسى جەردە وتكىزىلۋىنىڭ ۇلكەن ءمانى بار, سەبەبى - بۇل اۋىلدا قازاقتىڭ ۇلى قولباسشىسى ماڭگىلىك بايىز تاپقان. مۇندا كيىز ۇيلەردەن قۇرالعان ۇلكەن اۋىل بوي كوتەرىپ, قازاق كۇرەسى, الامان بايگە, جورعا جارىس سەكىلدى ۇلتتىق سپورت تۇرلەرىنەن جارىستار ۇيىمداستىرىلىپ, اقىندار ايتىسى وتكىزىلدى.
سالتاناتتى شارانىڭ باستى وقيعاسى - ەسەت باتىردىڭ ات ۇستىندەگى ءمۇسىنى ەسكەرتكىشىنىڭ اشىلۋى بولدى. شىنى-پلاستيكتەن جاسالعان ەسكەرتكىشتىڭ بيىكتىگى - 11,5 مەتر, سالماعى - 1,5 توننا. جەرگىلىكتى كاسىپكەر نۇرلان ساعنالين ەسكەرتكىشتى ورنالاستىرۋ جانە اۋماقتى كورىكتەندىرۋ ءۇشىن «Tۋعان جەرگە تاعزىم» اكتسياسى اياسىندا 32 ميلليون تەڭگە ءبولدى.
«قازاق حالقىندا «وتكەنسىز بۇگىن جوق» دەگەن ماقال بار. سوندىقتان ءبىز مەملەكەت باسشىسىنىڭ «بولاشاققا باعدار: رۋحاني جاڭعىرۋ» ماقالاسىنىڭ باعدارلاماسىنا سايكەس تاريحىمىزدى, رۋحاني قۇندىلىقتارىمىزدى جاڭعىرتۋدامىز. باستى ماقسات - جاس ۇرپاقتى حالىققا دەگەن سۇيىسپەنشىلىككە, ءوز ەلىنىڭ پاتريوتى بولۋعا, تۋعان جەرىن قۇرمەتتەۋگە جانە قورعاۋعا ۇيرەتۋ. بۇل ەسكەرتكىشتىڭ اشىلۋى - جاستارعا ۇلكەن ۇلگى, ونەگە», - دەدى وبلىس اكىمى.
سونداي اق, سالتاناتتى شارا بارىسىندا اۋىلدىق دارىگەرلىك امبۋلوتوريانىڭ اشىلۋ ءراسىمى ءوتتى. مەديتسينالىق مەكەمە مەملەكەتتىك-جەكە مەنشىك سەرىكتەستىك شەڭبەرىندە جۇزەگە اسىرىلعان تاعى ءبىر الەۋمەتتىك ماڭىزدى جوبا سانالادى. دارىگەرلىك امبۋلاتوريا قاجەتتى مەديتسينالىق قۇرالدارمەن تولىق جابدىقتالعان, ستوماتولوگيالىق جانە فيزيوتەراپيا كابينەتتەرى بار. 73 ميلليون تەڭگەگە سالىنعان مەكەمە تاۋلىگىنە 80 ادامدى قابىلداي الادى.
ەسەت باتىر كوكى ۇلى – قازاقتىڭ قول باستاعان بەلگىلى باتىرى, تارحان – جوعارى اسكەري-رۋلىق اقسۇيەك وكىلى. ول جارتى عاسىردان استام ۋاقىت بويى جوڭعارلار مەن ەدىل قالماقتارىنا قارسى كۇرەسكەن, ابىلقايىر حاننىڭ ۇزەڭگىلەس سەرىگى بولعان. ەسەت باتىر كەسەنەسىنە اقتوبەلىك تۇرعىندارمەن قاتار قازاقستاننىڭ باسقا وڭىرلەرىنەن كەلگەن جۇرت تا ءتاۋ ەتپەي كەتپەيدى.
