مەملەكەت باسشىسى «روتشيلد» كومپانياسىنىڭ قارجى سەكتورىنداعى باي تاجىريبەسى مەن حالىقارالىق ابىرويىن تىلگە تيەك ەتتى.
-«روتشيلد» كومپانياسى الەمدەگى ەڭ كونە دە ءىرى قارجى ينستيتۋتىنىڭ ءبىرى. جەكەلەگەن ءوندىرىس كاپيتالدارى بويىنشا ۇلكەن تاجىريبەگە يە. بۇل تاجىريبەلەرىڭىز ءبىزدىڭ ەلىمىز ءۇشىن وتە ماڭىزدى, ءدال وسى سەبەپتى قازاقستاننىڭ حالىق بانكىنە كەڭەس بەرىپ وتىرسىزدار, - دەدى قزااقستان پرەزيدەنتى.
ءوز كەزەگىندە ەريك دە روتشيلد كەزدەسۋ ءۇشىن نۇرسۇلتان نازارباەۆقا العىس ءبىلدىردى جانە قازاقستاننىڭ قارقىندى دامۋ جولىنا ءتانتى ەكەنىن جەتكىزدى.
-بۇل مەنىڭ قازاقستانعا العاش ساپارىم. ءسىزدىڭ ەڭبەگىڭىزدىڭ ارقاسىندا ەل بولاشاقتا قارقىندى دامي بەرمەك. قازاقستان – ازيا مەن ەۋروپا ارالىعىنداعى التىن كوپىر. ەكونوميكا ديۆەرسيفيكاتسياسىنداعى ترەندتەردى ءدوپ باسۋ, شيكىزات ءوندىرىسىن دامىتۋداعى كورەگەندىگىڭىز تاڭ قالدىردى, - دەدى كومپانيانىڭ ديرەكتورلار كەڭەسىنىڭ توراعاسى ەريك دە روتشيلد.
